استانادا العاش رەت دجيۋ-دجيتسۋدان الەم چەمپيوناتى ءوتىپ جاتىر

الەمنىڭ 42 ەلىنەن 1000-نان استام سپورتشىلار جينالعان بايراقتى باسەكەدە قازاقستان قۇراما كومانداسىنان 194 ۇزدىك سپورتشى ەل نامىسىن قورعايدى.

سالتاناتتى اشىلۋ راسىمىنە قر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ توراعاسى ەربول مىرزابوسىنوۆ, حالىقارالىق دجيۋ-دجيتسۋ فەدەراتسياسىنىڭ پرەزيدەنتى تەودوروپۋلوس پانايوتيس, استانا قالاسىنىڭ دەنە شىنىقتىرۋ جانە سپورت باسقارماسىنىڭ باسشىسى سامات جىلقىباەۆ, قر دجيۋ-دجيتسۋ قاۋىمداستىعىنىڭ پرەزيدەنتى قۋات ساعيەۆ قاتىستى.

«بۇگىنگى تاڭدا دجيۋ-دجيتسۋ سپورت ءتۇرى ەلىمىزگە كەلگەنىنە از ۋاقىت بولسا دا, كەيىنگى ەكى جىلدا ۇلكەن جەتىستىكتەرگە جەتتى. وعان دالەل, JJIF ( دجيۋ دجيتسۋ حالىقارالىق فەدەراتسياسى) الەمدىك دەڭگەيدە وسى سپورت ءتۇرىن دامىتۋدا ۇلكەن ۇلەس قوسقانى ءۇشىن, قازاقستانداعى دجيۋ-دجيتسۋ سپورت ءتۇرىن دۇنيەجۇزىندە ەكىنشى ورىن دەپ تانىدى. بۇل ءبىز ءۇشىن ۇلكەن ماقتانىش. مەملەكەت باسشىسى قاسىم-جومارت توقاەۆتىڭ تىكەلەي قامقورلىعىنىڭ ارقاسىندا ەلىمىزدە وتاندىق سپورتقا اسا ۇلكەن كوڭىل بولىنەدى. سونىڭ ناتيجەسىندە, بۇگىندە وتاندىق دجيۋ-دجيتسۋشىلار الەم بىرىنشىلىكتەرىندە جوعارى ناتيجەمەن قۋانتۋدا», دەدى سپورت جانە دەنە شىنىقتىرۋ ىستەرى كوميتەتىنىڭ توراعاسى ەربول مىرزابوسىنوۆ.

ءدۇبىرلى دودا 25 تامىزعا دەيىن ج.ۇشكەمپىروۆ اتىنداعى جەكپە-جەك سارايىندا جالعاسادى. چەمپيوناتتىڭ اقتىق بەلدەسۋلەرى «Qazsport» تەلەارناسىنان تىكەلەي ەفيردە كورسەتىلەدى.