فوتو: دەنساۋلىق ساقتاۋ مينيسترلىگىنىڭ ءباسپاسوز قىزمەتى
ءىس-شارا بارىسىندا مينيسترلىكتەر باسشىلارى تۇركى مەملەكەتتەرى ۇيىمى حاتشىلىعىنىڭ قولداۋىمەن دەنساۋلىق ساقتاۋ سالاسىنداعى وزەكتى ماسەلەلەردى تالقىلادى. «مەديتسينا تاريحىنا, ورتاق مۇراعا قۇرمەت» تۋرالى سامارقاند دەكلاراتسياسىن قابىلدادى.
دەكلاراتسيانى قابىلداۋ ەلدەرگە ونكولوگيالىق كومەكتى, فارماتسيانى, مەديتسينالىق جانە فارماتسەۆتيكالىق كادرلاردى دايارلاۋدى جانە ولاردىڭ بىلىكتىلىگىن ارتتىرۋدى, دەنساۋلىق ساقتاۋداعى تسيفرلاندىرۋدى جانە تۇركى مەملەكەتتەرىنىڭ حالقىنا مەديتسينالىق كومەكتى جەتىلدىرۋ بويىنشا سىندارلى تاسىلدەردى ازىرلەۋگە مۇمكىندىك بەرەدى.
فورۋمنىڭ شەڭبەرىندە تمۇ باس حاتشىسى ق. ومىراليەۆپەن, ازەربايجان, تۇركيا, وزبەكستان, تاتارستان دەنساۋلىق ساقتاۋ مينيسترلەرىمەن كەزدەسۋلەر وتكىزىلدى.
فورۋم قورىتىندىسى بويىنشا تۇركى الەمى مەملەكەتتەرىنىڭ ءوزارا ءتيىمدى ارىپتەستىگىن نىعايتۋ تۋرالى ۋاعدالاستىققا قول جەتكىزىلدى, سونداي-اق تمۇ مەملەكەتتەرىندە قازاقستاندىق مەديتسينا كۇندەرىن وتكىزۋگە قاتىستى قازاقستاننىڭ باستاماشىل ۇسىنىسى قولداۋ تاپتى.
ساپار بارىسىندا مينيسترلىك باسشىسى «Samarkand England Eco-medical» جانە «Tashkent Pharma Park» سامارقاند فارماتسەۆتيكالىق زاۋىتىنا جانە باسقا نىساندارعا باردى.
ءىس-شارا بارىسىندا ا.عينيات تۇركى مەملەكەتتەرىنىڭ وكىلدەرىن 2023 جىلعى 22-27 قازاندا استانا قالاسىندا جوسپارلانعان مساك جونىندەگى جاھاندىق كونفەرەنتسياعا جانە ددۇ ەۋروپالىق وڭىرلىك كوميتەتىنىڭ 73-ءشى سەسسياسىنا قاتىسۋعا شاقىردى.
