جۇلدە قورى 6 600 000 اقش دوللارىن قۇرايتىن جارىستىڭ ەكىنشى اينالىمىندا وتانداسىمىز الەمدىك رەيتينگتە 584-ورىندا تۇرعان امەريكالىق دجەننيفەر برەديمەن شەبەرلىك بايقاستى. 9 تامىزدا وتۋگە ءتيىس بولعان باسەكە جاڭبىرعا بايلانىستى ءبىرىنشى پارتيا (6:6 كەزىندە) توقتاتىلىپ, ويىن ءبىر كۇن كەيىنگە شەگەرىلگەن ەدى. 10 تامىزداعى ەلەنا مەن دجەننيفەر اراسىنداعى ماتچ اسا تارتىستى ءوتىپ, جەرلەسىمىز 6:7, 7:6, 6:3 ەسەبىمەن جەڭىسكە جەتتى. كەشە ەلەنا اتالعان ءتۋرنيردىڭ ءتورتىنشى اينالىمىنا شىعۋ ءۇشىن تاعى ءبىر اقش وكىلى سلوان ستيۆەنسپەن كەزدەستى. دۇنيەجۇزىلىك رەيتينگتە 38-ساتىعا جايعاسقان سلوان ەكىنشى كەزەڭدە بەلارۋس تەننيسشىسى ۆيكتوريا ازارەنكومەن ويناۋى كەرەك ەدى, الايدا ازارەنكو ءوزىن ناشار سەزىنۋىنە بايلانىستى باسەكەدەن باس تارتتى.
وكىنىشكە قاراي, كاناداداعى تۋرنيرگە قاتىسىپ جاتقان ەكى وتانداسىمىز جارىس جولىنان شىعىپ قالدى. تورونتوداعى ەرلەر تۋرنيرىندە الەكساندر بۋبليك ءبىرىنشى اينالىمدا پولشالىق حۋبەرت گۋركاچكە جول بەرسە, يۋليا پۋتينتسەۆا مونرەالداعى جارىستىڭ ەكىنشى كەزەڭىندە الەمنىڭ ءۇشىنشى راكەتكاسى امەريكالىق دجەسسيكا پەگۋلادان جەڭىلىپ قالدى – 6:4, 6:4.
