ەڭبەكشىقازاق اۋدانىنىڭ ورتالىعى ەسىك قالاسىندا تۇراتىن دينارا رىمبەكوۆا ەكى جىل بۇرىن «2021-2025 جىلدارعا ارنالعان كəسىپكەرلىكتى دامىتۋ جونىندەگى ۇلتتىق جوبا» كونكۋرسىنا قاتىسىپ, ءوز باعدارلاماسىن ءسəتتى قورعاپ, «دامۋ» كəسىپكەرلىكتى دامىتۋ قورى ارقىلى 2 ملن تەڭگە مولشەرىندە گرانتقا قول جەتكىزگەن. قولعا تيگەن قارجىنىڭ əر تيىنىن ءتيىمدى پايدالانۋدى كوزدەگەن جاس كəسىپكەر بيزنەس جوسپارىنا سəيكەس ماكارون ونىمدەرىن شىعارۋدى باستاپ كەتتى. وسى ماقساتتا زاماناۋي يتاليالىق وندىرىستىك تەحنيكالار ساتىپ الىپ, ىسكە قوستى.
بۇگىندە «As qazan» دەپ اتالاتىن ماكارون تسەحىندا 4 ادام تۇراقتى جۇمىس ىستەپ, تəۋلىگىنە 5 توننا وتاندىق جوعارى ساپالى ماكارون ونىمدەرىن شىعارۋدى جولعا قويعان. ال ايىنا قۋاتتىلىعى ورتا ەسەپپەن 200 تونناعا جۋىقتايتىن كəسىپورىن دا ماكاروننىڭ 9 ءتۇرى وندىرىلەدى.
«قازىر شاعىن جəنە ورتا بيزنەستى دامىتىپ, ەلدىڭ əل-اۋقاتىن ارتتىرۋعا پرەزيدەنتىمىزدىڭ باسا كوڭىل ءبولىپ وتىرعانى بەلگىلى. سول سەبەپتى مەملەكەتتەن كəسىپكەرلىكتى دامىتۋدىڭ ءتۇرلى باعدارلامالارى ۇسىنىلىپ, كəسىپ كوزىن تاپقاندارعا قولداۋ كورسەتىلۋدە. سونىڭ نəتيجەسىندە وتاندىق كəسىپتىڭ كوكجيەگىن كەڭەيتىپ, تۇراقتى جۇمىس ورنىن اشىپ الدىق. اتالمىش كəسىپورىندا 4 ادام تياناقتى ەڭبەك ەتىپ, وتباسىن اسىراپ ءجۇر. ءونىم وندىرۋدە تۇتىنۋشىلاردىڭ جاس ەرەكشەلىگى مەن تالعامىنا ساي كەلۋىن ەسكەردىك», دەگەن كəسىپكەر دينارا ونىمدەرىن وتكىزۋدە ەلاۋماعىنداعى 13 ءوڭىردىڭ ساۋدا نۇكتەلەرىمەن كەلىسىمشارت جاساسقانىن تىلگە تيەك ەتتى.
بۇل ورايدا «As qazan» برەندتىك ونىمدەرىن جارنامالاۋ جۇمىستارى دا قالىپتى جولعا قويىلعان. Əلەۋمەتتىك
جەلىلەردەگى رەسمي پاراقشالارىنداعى تۇتىنۋشىلار پىكىرىن ەسكەرىپ, سول ارقىلى ساپانى ارتتىرىپ, قىزمەت كورسەتۋ دەڭگەيىن جاقسارتۋ جولدارى سارالانۋدا. وسىلايشا, جاس كəسىپكەر كەلەشەكتە ءونىم تۇرلەرىن كوبەيتۋمەن قاتار, بيزنەسىن دامىتۋعا مۇمكىندىك بەرەتىن ينۆەستيتسيالىق جوبالارعا نازار اۋدارۋدى بەرىك ۇستانىپ وتىر. دەسە دە جۇمىسىن ەندى دامىتا باستاعان جاس كəسىپكەردى تولعاندىرىپ جۇرگەن جايتتار جوق ەمەس.
«مەملەكەت تاراپىنان ونىمدەرىمىزدى وتكىزۋگە قولداۋ كورسەتىلسە ءجون بولار ەدى. ويتكەنى كەز-كەلگەن ساۋدا جەلىلەرى مەن دۇكەندەرگە ءوز ونىمدەرىمىزدى ساتاالمايمىز. تىپتەن جوعارى ساپاعا يە ونىمدەرىمىزدى ەكسپورتقا شىعارۋعا مۇمكىندىك بەرىلسە دەگەن نيەتىمىز بار. بۇل جاعىنان كəسىپكەرلىك قىزمەتتى ودان ءəرى دامىتۋعا شەكتەن تىس
əكىمشىلىك جۇكتەمەلەر كەدەرگى كەلتىرەتىنىن جاسىرۋعا بولماس. وتاندىق ءونىم ءوندىرۋشى جاس كəسىپكەرلەردى ىنتالاندىرۋ ءۇشىن بيزنەستى قارجىلاندىرۋ ساياساتى رەتتەلىپ, پايىزى تومەن نەسيەلەر بەرىلسە, بۇل ءبىزدىڭ ءىسىمىزدى ىلگەرىلەتىپ, وركەندەتۋگە مۇمكىندىك بولار ەدى», دەگەن ويدا كəسىپكەر.
«جاس كەلسە – ىسكە» دەگەن ەمەس پە؟ ەلىمىزدەگى ءونىم ءوندىرۋشى كəسىپورىنداردىڭ قاتارىنا قوسىلىپ, ءبəسى جوعارى بəسەكەلەستىك تالاپتارىنا ساي ساپالى ماكارون وندىرۋدە دامىل تاپپاي ىزدەنىپ, ىسكەرلىك تانىتىپ جۇرگەن دينارا رىمبەكوۆانىڭ الداعى ماقساتتارى ايقىن. ول – وتاندىق ءوندىرىستى وركەندەتىپ, جۇمىس ورنىن كوبەيتۋ.
