فوتو: ەحاقم رەسمي سايتى
«سىرتقى ىستەر مينيسترلىگىنىڭ دەرەگىنشە, بيىلعى ءبىرىنشى توقسانداعى ەسەپ بويىنشا قازاقستاننىڭ 194 مىڭنان استام ازاماتى شەتەلدە جۇمىس ىستەپ ءجۇر. ءبىز تۇركيا, بىرىككەن اراب امىرلىكتەرى, ۇلىبريتانيا جانە باسقا دا ەلدەرمەن ونداعى قازاقستان ازاماتتارىنىڭ ەڭبەك قۇقىقتارىن قورعايتىن جاڭا كەلىسىمدەرگە باستاماشىلىق ەتۋ ءۇشىن قوسىمشا شارالار قابىلدادىق», دەدى ەحاقم باسشىسى.
قازىرگى تاڭدا ازاماتتاردىڭ وڭتۇستىك كورەيادا جۇمىسقا زاڭدى تۇردە ورنالاسۋى ءۇشىن قازاقستاندى «ەڭبەككە رۇقسات بەرۋ جۇيەسىنە» (Employment permit System – EPS) قوسۋ ماسەلەسى پىسىقتالۋدا.
«Migration.enbek.kz سايتىنا تىركەلە وتىرىپ, cول جۇيە ارقىلى جۇمىسقا ورنالاسۋعا بولادى. سونىمەن بىرگە قۇجاتتاردى راسىمدەۋ, مىندەتتى مەديتسينالىق تەكسەرۋدەن ءوتۋ جانە تاعى باسقا مىندەتتەمەلەر بويىنشا كومەكتەسۋ ءۇشىن ءتيىستى جۇمىستاردى ەڭبەك ۇتقىرلىعى ورتالىقتارى جۇرگىزەدى», دەدى مينيستر.
