«ريددەر جەو-نىڭ جاڭا يەسى ءامىرجان نابيەۆ بارلىق قارىزدى ءوز قاراجاتى ەسەبىنەن جابۋعا ۋادە بەردى», دەپ حابارلادى قر ەنەرگەتيكا مينيسترلىگىنىڭ ءباسپاسوز قىزمەتى.
ۆەدومستۆونىڭ مالىمەتىنشە, بۇگىندە ريددەر جەو-نىڭ جالپى قارىزى - 5,5 ملرد تەڭگە.
«مينيسترلىك تاراپىنان ءبىز دە قارىز ماسەلەسىن باقىلاۋعا الامىز», دەدى الماسادام ساتقاليەۆ.
ەنەرگەتيكا ءمينيسترى ريددەر جەو-داعى جوندەۋ ناۋقانىنىڭ بارىسىنا ەگجەي-تەگجەيلى توقتالدى.
قارجى مينيسترلىگىمەن جانە وبلىس اكىمدىگىمەن بىرلەسىپ, ۇكىمەت رەزەرۆىنەن قاراجات ءبولۋ تەتىگى ازىرلەندى. جوبالىق-سمەتالىق قۇجاتتاماعا مەملەكەتتىك ساراپتاما الىندى. جوندەۋدىڭ جالپى سوماسى 8,3 ملرد تەڭگە بولدى. ريددەر جەو-داعى جوندەۋگە سەگىز مەردىگەر ۇيىم جۇمىلدىرىلدى.
قر ەنەرگەتيكا مينيسترلىگىنىڭ مالىمەتىنشە, ريددەر جەو-داعى جۇمىستى جىلۋ بەرۋ ماۋسىمى باستالعانعا دەيىن كەستە بويىنشا اياقتاۋ جوسپارلانىپ وتىر.
18 ماۋسىمدا شىعىس قازاقستان وبلىسىنىڭ اكىمى ەرمەك كوشەرباەۆ وبلىس بويىنشا العاشقى ساپارىن وڭىردەگى ماڭىزدى نىسانداردىڭ ءبىرى – «ريددەر جەو» اق-دا باستاپ, جىلۋ باسقارماسىمەن كەڭەس وتكىزدى.
