«بۇگىن ەلىمىزدە گرانت كونكۋرسىنا قاتىسۋعا مۇمكىندىك بەرەتىن نەگىزگى ۇبت اياقتالدى. 18 مامىر مەن 5 شىلدە ارالىعىندا بارلىعى 304 مىڭ تۇلەك تەستىلەۋگە ءوتىنىش ءبىلدىردى. سولاردىڭ 76% قازاقشا تەست تاپسىردى. 79% شەكتى بالل الدى. بىلتىرعى جىلمەن سالىستىرعاندا شامامەن 10%-عا ءوستى. سونىمەن قاتار بيىل ۇبت-نىڭ ورتاشا بالى − 70 بولدى, بۇل بىلتىرعى كورسەتكىشتەن 3 بالل جوعارى», دەلىنگەن جازبادا.
سونداي-اق ۆيتسە-مينيستر بيىل جوعارى وقۋ ورنىنا تۇسەتىن ابيتۋريەنتتەرگە قانداي جاعداي جاسالىپ جاتقانىن جازىپ, مەملەكەتتىك تاپسىرىس اياسىندا بولىنەتىن گرانتتار تۋرالى اقپارات بەردى.
«پرەزيدەنتتىڭ تاپسىرماسىنا سايكەس, بيىل گرانتتاردىڭ سانى 5 مىڭعا ءوستى. ال ستيپەنديانىڭ مولشەرى 20%-عا وسەدى. 2023-2024 وقۋ جىلىنا بولىنەتىن مەملەكەتتىك تاپسىرىستىڭ كولەمىنە توقتالار بولساق: باكالاۆرياتتا – 73061 گرانتتى, ماگيستراتۋرادا – 13088 گرانتتى, دوكتورانتۋرادا – 1890 ورىندى قۇراپ وتىر. گرانتتاردىڭ 60%-ى ينجەنەرلىك جانە تەحنيكالىق ماماندىقتارعا ءبولىندى, پەداگوگيكالىق كۆوتانى 47%-عا دەيىن ۇلعايتتىق. ول تەك وڭىرلىك ۋنيۆەرسيتەتتەرگە عانا ءبولىندى. پرەزيدەنت قاسىم-جومارت كەمەل ۇلى توقاەۆتىڭ تاپسىرماسىنا سايكەس, بيىل حالىق تىعىز قونىستانعان, باتىس وڭىرىنەن شىققان جاستارعا جاڭادان قۇرىلعان وبلىستاردىڭ جاستارىنا ارنايى 5000 گرانت قاراستىرىلعان, الەۋمەتتىك وسال جەتى توپقا, اۋىل تۇلەكتەرىنە (35%) ارنايى كۆوتا قاراستىرىلعان. العاش رەت اۋىلشارۋاشىلىق جانە ينجەنەرلىك باعىتتاردى قولداۋ ماقساتىندا پيلوتتىق رەجيمدە ارنايى كۆوتا بولدىك. ول تەك وڭىرلىك ۋنيۆەرسيتەتتەرگە ءبولىندى», دەپ جازدى قۋانىش اسىلحان ۇلى.
سونىمەن قاتار ۆيتسە-ءمينيستردىڭ مالىمەتىنشە, «سەرپىن» باعدارلاماسى بويىنشا 18 جوو-عا 3653 گرانت قاراستىرىلدى. ال شەتەلدىك ۋنيۆەرسيتەتتەردىڭ فيليالدارىندا وقۋ ءۇشىن ارنايى گرانت ءبولىندى.
«قورىتىندىلاي كەلە, تالاپكەرلەرگە ايتارىمىز, وقۋ ورنىن تانداعاندا جاتاقحانانىڭ بولۋىن تەكسەرىپ الۋ قاجەت. الماتى مەن استاناداعى جاتاقحانالاردا ورىن جەتىسپەۋشىلىگى ماسەلەسى بار. سوندىقتان وڭىرلىك ۋنيۆەرسيتەتتەرگە تۇسۋگە كەڭەس بەرەمىز. ال ساپا جاعىنان ولار كەم ەمەس. كەلەسى اپتادا ۇبت ناتيجەلەرى تۋرالى تولىعىراق «ورتالىق كوممۋنيكاتسيالار قىزمەتى» الاڭىندا باياندايمىز», دەلىنگەن ۆيتسە-ءمينيستردىڭ جازباسىندا.
