«بۇل – حالقىمىزدىڭ بولاشاق تاعدىرىن ايقىنداعان اسا ماڭىزدى جانە دەر كەزىندە قابىلدانعان تاريحي شەشىم. تۇڭعىش پرەزيدەنتتىڭ وسى باستاماسى جاڭا ۇلتتىق يدەياعا اينالدى. بۇل شەشىم ەلىمىزدىڭ, حالقىمىزدىڭ ۇلتتىق مۇددەسىنە ساي كەلگەنىنە ەشقانداي كۇمان جوق. سوندىقتان ءبارىمىز نۇرسۇلتان ءابىش ۇلى نازارباەۆتىڭ بۇل سالاداعى ەڭبەگىنە لايىقتى, ادىلەتتى باعا بەرۋىمىز كەرەك.
ادىلەتتى قازاقستاندا اقتى اق, قارانى قارا دەۋ قاجەت, باسقا سوزبەن ايتقاندا, نەنىڭ شىندىق, نەنىڭ وتىرىك ەكەنىن اجىراتا ءبىلۋ كەرەك. بۇل – ەلىمىزدىڭ بولاشاعىنا تىكەلەي قاتىسى بار ماسەلە. ەلوردانىڭ زاماناۋي كەلبەتىن قالىپتاستىرۋعا كيسيو كۋروكاۆا, نورمان فوستەر, رەناتو اركەتتي, مانفرەدي نيكولەتتي سياقتى الەمگە ايگىلى ساۋلەتشىلەر اتسالىستى», دەدى مەملەكەت باسشىسى.
سونىمەن قاتار پرەزيدەنت «بايتەرەك» مونۋمەنتى, «بەيبىتشىلىك جانە كەلىسىم» سارايى, «حان شاتىر» كەشەنى جانە باسقا دا بىرەگەي نىساندار قالانىڭ كوركىن اشا تۇسكەنىن ەسكەردى. باس قالامىزدىڭ «استانا وپەرا», «استانا بالەت» سياقتى ونەر وردالارى ارقىلى بۇكىل الەمگە مادەني ورتالىق رەتىندە تانىلعانىن, جاڭا ەلوردا تاۋەلسىز قازاقستاننىڭ وركەندەۋىنە تىڭ سەرپىن بەرگەنىن اتاپ ءوتتى.
