وتەگەن باتىر اۋىلىندا ورنالاسقان پاركتىڭ كەڭسە الاڭى 600 ش.م بولسا, جەر ۋچاسكەسىنىڭ جالپى اۋدانى 1 گا تەحنيكانى جوندەۋ ورنى – 1000 ش.م سەرىكتەستىك وبلىستىڭ 332 تۇرعىنىن جۇمىسپەن قامتاماسىز ەتەدى. بۇگىنگى تاڭدا اتالعان سەرىكتەستىكتە 25 اۆتوبۋس بار. ونىڭ ىشىندە 17 بىرلىك 12 مەترلىك, 7 بىرلىك 9 مەترلىك «لياز» جانە سىيىمدىلىعى شاعىن «گازەل» اۆتوبۋستارى.
وبلىستىڭ شالعايداعى اۋىل تۇرعىندارىنىڭ ءوتىنىشى بويىنشا №5 «تولە بي اۋىلى» (ىلە اۋدانى) – «سالەم» اۆتوستانساسى (الماتى قالاسى)» ارالىعىنا جاڭا اۆتوبۋس باعىتى اشىلدى. بۇل باعىتقا 12 مەترلىك 6 اۆتوبۋس قىزمەت كورسەتەدى. سىيىمدىلىعى 108 ادام بولاتىن «لياز» ماركالى اۆتوبۋس مارشرۋتپەن قامتىلماعان 2 اۋىلدىق ەلدى مەكەندى, تولە بي مەن تۇيمەباەۆ اۋىلدارىنا قاتىناۋدى ءوز مىندەتتىنە العان. مارشرۋتتاردىڭ جۇمىس ۋاقىتى تاڭعى 5.40-تان كەشكى 22.00-گە دەيىن جۇزەگە اسادى. قوعامدىق كولىكتەردىڭ قوزعالىس ارالىعى 20 مينۋتتى قۇرايدى.
– سونداي-اق الماتى قالاسىمەن بىرلەسە وتىرىپ, اگلومەراتسيانىڭ 50 شاقىرىمدىق ايماعىندا جاڭا باعىتتاردى ازىرلەۋدەمىز. الداعى ۋاقىتتا الماتى وبلىسىنىڭ اۋماعىندا 9 باعىتقا قىزمەت كورسەتۋگە 130 بىرلىك جاڭا اۆتوبۋس ساتىپ الۋ جۇمىستارى جۇرگىزىلۋدە, دەدى وبلىس اكىمىنىڭ ورىنباسارى الماس باتانوۆ.
بۇل مارشرۋتتار 20-عا جۋىق ەلدى مەكەندى, 1 قالانى (گەيت سيتي) جانە ىلە اۋدانىنىڭ قوعامدىق كولىكپەن قامتىلماعان 2 ءىرى شاعىن اۋدانىن قامتاماسىز ەتەتىن بولادى. جاقىن ارادا قوعامدىق كولىكتەردە QR كود نەمەسە بانك كارتاسى ارقىلى تولەم جاسالاتىن ەلەكتروندى بيلەت جۇيەسى ورناتىلادى.
الماتى وبلىسى
