ەكىنشىدەن, مۇنىڭ الدىندا بولعان كونستيتۋتسيالىق رەفورماعا بايلانىستى ءماسليحاتتاردىڭ دا, ءماجىلىستىڭ دە قۇزىرەتتىلىگى ارتتى. اۋەلى ماسليحاتقا توقتالساق, بۇرىن ءماسليحات حاتشىسى دەسەك, بۇگىندە ءماسليحاتتىڭ توراعاسى دەپ وزگەرتىلدى. بۇل تەك اتىنىڭ جاڭارۋى عانا ەمەس, ونىڭ مازمۇنىنىڭ جاڭعىرۋىنا اكەلىپ جاتىر. ماسەلەن, مۇنىڭ الدىندا ءماسليحاتتاردىڭ دەپۋتاتتارى قىزمەتتەرىن قوعامدىق قوسىمشا جۇكتەمە رەتىندە الىپ جۇرەتىن. سالدارىنان كوپ ماسەلەمەن اينالىسۋعا ۋاقىتى بولمايتىن. قازىر ءماسليحاتتىڭ تۇراقتى كوميسسيالارىنان كەم دەگەندە ەكى توراعا تولىعىمەن تاڭەرتەڭنەن كەشكە دەيىن جۇمىس ىستەپ ءماسليحاتتا وتىرادى. مىنە, مۇنى مەن مۇمكىندىكتىڭ كەڭەيۋى, قۇزىرەتتىڭ ارتۋى دەپ ۇعامىن. ويتكەنى ولار قازىر بيۋدجەتپەن اينالىسۋعا, شىعىس-كىرىستەرىن تولىققاندى قاراپ, زەرتتەۋگە, قاجەت كەزىندە باتىل ساۋال قويا ءبىلىپ, ءتيىستى ۇسىنىستار ايتۋعا, وزىندىك شەشىمدەر قابىلداۋعا مۇددەلى دەپ سانايمىن.
سوندىقتان رەسپۋبليكالىق دەڭگەيدە ۇيىمداستىرىلعان فورۋمعا ەلىمىزدىڭ ءار بۇرىشىنان جيىلعان ازاماتتار قايمانا قازاق قامى ءۇشىن ناقتى ءبىر پروبلەمالاردى كوتەرەدى دەپ سانايمىن. «اmanat» پارتياسىنىڭ الاڭىندا ايتىلعان ۇسىنىستار ءوز شەشىمىن تابادى دەپ ۇمىتتەنەمىن.
اسحات ايماعامبەتوۆ,
ءماجىلىس دەپۋتاتى
