«كۇلدىرمامايدىڭ ۇڭعىسى ۇزىن كەلەدى. الىسقا اتۋعا ارنالعان مىلتىق. اۋزىنان وقتالىپ, پىلتە ارقىلى وت الادى. كۇلدىرمامايدىڭ اتار كەزدە جەرگە تىرەپ قوياتىن جينامالى سيراعى بولادى. ەل اۋزىندا كەنەسارى اقمولا بەكىنىسىن قورشاعان كەزدە قالانىڭ سىرتىندا تۇرىپ وسى كۇلدىرماماي مىلتىقپەن قامالداعى زەڭبىرەكشىنى اتىپ تۇسىرگەن دەگەن ءسوز بار. كەنە حاننىڭ مىلتىعى قازىر ومبىنىڭ ولكەلىك تاريحي-ادەبي مۇراجايىندا ساقتاۋلى تۇر. بۇل مىلتىقتىڭ كوشىرمەسىن قولونەر شەبەرى تاڭات الىباەۆ جاساپ شىعاردى», دەيدى اقىن باتىرلان ساعىنتاەۆ.
سونداي-اق «Egemen Qazaqstan» گازەتىنىڭ ءتىلشىسى نۇرقانات قۇلاباەۆتىڭ «جاۋدىڭ قۇتىن قاشىرعان كۇلدىرماماي» اتتى ماتەريالىندا جازىلعانداي, بۇل مىلتىق قازىر قوستاناي وبلىستىق تاريحي-ولكەتانۋ مۋزەيىندە تۇر.
