ۇكىمەتتە حابارلاعانداي, بۇگىندە ەلىمىز بويىنشا ناۋقاندىق جۇمىستار اياقتالىپ كەلەدى. ۇكىمەت قارجى ءبولۋ جانە ماتەريالدىق-تەحنيكالىق قامتاماسىز ەتۋ ماسەلەلەرىن تولىعىمەن شەشتى. 140 ملرد تەڭگە كولەمىندە بيۋدجەتتىك كرەديت ءبولىندى. 21 ملرد تەڭگە قاراجات ءونىمدى فورۆاردتىق ساتىپ الۋعا باعىتتالدى. ديحاندارعا 522 مىڭ توننا استىققا تاۋارلىق كرەديت بەرىلدى.
«مينەرالدى تىڭايتقىشتار وندىرەتىن وتاندىق كومپانيالارمەن كەلىسىم-شارتتار جاسالىپ, ءونىمدى سۋبسيديالاۋعا جەرگىلىكتى بيۋدجەتتەردەن 31 ملرد تەڭگە ءبولىندى. سونداي-اق اتالعان سۋبسيديالاردى كەشىكتىرمەي بەرۋ ءۇشىن ەگىس القاپتارىن تسيفرلاندىرۋ 1 جىلعا كەيىن شەگەرىلدى. ءبىز بيىل اگروونەركاسىپ سالاسىن مەملەكەتتىك قولداۋ جۇيەسىن كوپ وزگەرتپەي, بارىنشا ساقتاپ قالعانىمىزدى اتاپ وتكىم كەلەدى», دەدى ءاليحان سمايىلوۆ.
قازاقستاننىڭ ءوز استىعى وزىنە تولىق جەتەدى. قالعان اۋقىمدى بولىگىن ەكسپورتقا دا شىعارادى. بيىل قازاقستان بيدايى قىتاي حالىق رەسپۋبليكاسىنا جەتكىزىلە باستادى.
«اۋا رايى قولايسىز بولىپ, استىق شىقپاي قالعان كۇننىڭ وزىندە بىزدەگى ىشكى قاجەتتىلىك ەڭ از جينالاتىن كولەمنەن 2 ەسە تومەن. ياعني, استىقتىڭ كولەمى ەلدەگى ىشكى سۇرانىس پەن ازىق-ت ۇلىك قاۋىپسىزدىگىن قامتاماسىز ەتۋگە تولىق مۇمكىندىك بەرەدى», دەپ اتاپ ءوتتى ءاليحان سمايىلوۆ.
ول اۋىل شارۋاشىلىعى مينيسترلىگى ءوڭىر اكىمدىكتەرىمەن بىرلەسىپ, فەرمەرلەردىڭ اگروتەحنولوگيالىق تالاپتاردى ساقتاۋىن قامتاماسىز ەتۋى ءتيىس ەكەنىن ايتىپ ءوتتى.
«وبلىس اكىمدەرى ەگىس القاپتارىن ارامشوپتەر مەن زيانكەستەرگە قارسى حيميالىق وڭدەۋ جۇمىستارىن باقىلاۋعا الۋى كەرەك. سونىمەن قاتار وسىمدىكتەردى قورعاۋ جونىندەگى ءىس-شارالار تىزبەسى مەن سۋبسيديالاۋ نورماتيۆتەرىن بەكىتۋ كەرەك», دەدى ۇكىمەت باسشىسى.
قورىتىندىلاي كەلە, پرەمەر-مينيستر ديحانداردىڭ مالىمدەلگەن بيداي كولەمىن «ازىق-ت ۇلىك كورپوراتسياسىنا» ۋاقىتىلى جەتكىزۋ تۋرالى مىندەتتەمەلەرىنىڭ ورىندالۋىن قامتاماسىز ەتۋدى جانە جىل سوڭىنا دەيىن القاپتاردى تسيفرلاندىرۋ بويىنشا قاجەتتى شارالاردى قابىلداۋدى تاپسىردى.
