بۇل كۇنى ءىس-شارالار ساعات 10:00-دەن باستالادى. مەكتەپكە دەيىنگى مەكەمەلەردە بۇلدىرشىندەر اراسىندا تاڭعى جاتتىعۋ فلەشموبى وتەدى. سول سياقتى قالا مەكتەپتەرىنىڭ سپورت الاڭدارىندا جاس فۋتبولشىلار مەن فۋتبول كومانداسى اراسىندا مارافون ۇيىمداستىرىلادى.
ساعات 11:00-دە ومىرلىك قيىن جاعدايعا تاپ بولعان بالالاردى قولداۋ ورتالىعىندا «اسەم اۋەن الەمى - بالالىق شاق» اتتى فەستيۆال وتەدى. ال SOS استانا بالالار اۋىلىندا وسكەلەڭ ۇرپاققا ارناپ «عاجايىپتار شەبەرحاناسى» اكتسياسى ۇيىمداستىرىلادى. سونىمەن قاتار ءدال وسى ساعاتتا جاستار تەاترىندا ءا.ءفايزۋلليننىڭ «اقىل پاتشالىعى» اتتى ەرتەگىسى جۇرتشىلىققا ۇسىنىلادى. ال ورتالىقتاندىرىلعان كىتاپحانالار جۇيەسى «وتانىم - باقىت مەكەنى» ءىس-شاراسىن ۇيىمداستىرىپ, بۇلدىرشىندەر اسفالتتا سۋرەت سالادى. بۇدان بولەك, №31 مەكتەپ-گيمنازياسىندا ينكليۋزيانى قولداۋ كابينەتى اشىلادى.
ال ساعات 12:00-دەن باستاپ ەلوردادا بالالاردى قورعاۋ كۇنى مەرەكەسىن اتاپ ءوتۋ ەرەكشە قارقىن الادى. «استانالىق» ساياباعىندا «بالالىق شاق» كونتسەرتى, سول سياقتى 17:00-گە دەيىن شارلارمەن ءتۇرلى مۇسىندەر ازىرلەۋ, اكۆاگريمنان ماستەر-كلاسس, روبوتوتەحنيكادان «RoBOKOD» كونكۋرسى, كۆەست ويىندار, ء«دامدى الەم» كۋلينارلىق ماستەر-كلاسى, سابىن كوپىرشىكتەرىنىڭ وتشاشۋى وتەدى. سونىمەن قاتار 12:00-17:00 ارالىعىندا «جەتىسۋ» ساياباعىندا ارقان تارتۋ, بەس تاس, اسىق, توعىزقۇمالاق, لاڭگى تەبۋ, گىر كوتەرۋ سەكىلدى ۇلتتىق ويىنداردان تۋرنيرلەر ۇيىمداستىرىلادى.
بۇدان بولەك ەسىل وزەنىنىڭ جاعالاۋىندا بۇلدىرشىندەرگە ارناپ كونتسەرت تە قويىلادى. سول سياقتى ەرەسەكتەر مەن بالالارعا ارنالعان «Dance zone» سۋپەرديسكوتەكاسى دا, ء«بىز باقىتتى بەينەلەيمىز» مەگا-پاننوسى دا ۇيىمداستىرىلادى.
ساعات 12:00-دە ءال-فارابي اتىنداعى وقۋشىلار سارايىندا «بالالىقتىڭ بويتۇمارى» كونتسەرتى, كارتينگ, موتوكروسس, ارقان تارتۋ, شاحمات, اسفالتقا سۋرەت سالۋ بويىنشا جارىس, سونداي-اق جاس سانقويلار اراسىندا دەفيلە فلەشموبى, كوگەرشىندەردى ۇشىرۋ ءىس-شاراسى وتەدى.
ۇستازدار اللەياسىندا ساعات 12:00-دە «بالالىق شاق – عاجايىپتار الەمى» مەرەكەلىك ءىس-شاراسى, «سيقىرلى الاڭ» سپورتتىق ەستافەتاسى, «وتباسىمەن وقۋ» كورمەسى ۇيىمداستىرىلادى.
ال مۋزىكالىق جاس كورەرمەن تەاترىندا «كۇن استىنداعى كۇنەكەي قىز» ەرتەگىسى قويىلادى.
بۇل كۇنى امفيتەاتر اۋماعىندا «بولاشاق - ءبىزدىڭ قولىمىزدا» كونتسەرتى وتكىزىلسە, استانالىق تسيركتە «بالالارعا كۇلكى سىيلا» ءىس-شاراسى ۇيىمداستىرىلادى.
ساعات 14:00-دە جانە 16:00-دە قۋىرشاقتار تەاترىندا «ەلۆين جانە سيقىرلى ورماننىڭ تۇرعىندارى» قويىلىمى كورسەتىلەدى. ال Nomad City Hall ساحناسىندا «بولماعان بالالىق شاق» ەرتەگىسى ساحنالانادى.
بۇدان بولەك, اربات, امفيتەاتر, Demalys Promenade اۋماعىندا بالالارعا ارنالعان Creative summer ءىس-شاراسى 1 ماۋسىمنان باستالىپ, تامىز ايىنا دەيىن جالعاسادى.
