قازاقستان تەننيس فەدەراتسياسىنان ءمالىم ەتكەنىندەي, قازاقستاندىق جاسوسپىرىمدەر D توبىندا سوڭعى ماتچىندا وزبەكستان قۇراماسىن 2:0 ەسەبىمەن ۇتتى.
باستاپقى كەزدەسۋدە زاڭعار نۇرلان ۇلى نۋريددين ءباحتيوروۆتى 6:4, 7:6 (7:3) ەسەبىمەن جەڭدى. سودان كەيىن ءامىر ومارحانوۆ سۋحروب سايدوۆتى تىزە بۇكتىردى – 6:3, 6:2.
جەرەبە قورىتىندىسىنا سايكەس ەرتەڭ, 11 مامىر كۇنى شيرەك فينالدا سەرگەي كۆاكتىڭ شاكىرتتەرى اۋستراليا قۇراماسىمەن كەزدەسەدى. اۋستراليا – 16 جاسقا دەيىنگىلەر اراسىندا الەم چەمپيوناتىن 6 رەت ۇتقان وتە مىقتى قارسىلاس.
شيرەك فينالدا سونداي-اق وڭتۇستىك كورەيا – ءۇندىستان, وزبەكستان – تايلاند, گونكونگ – جاپونيا كوماندالارى شەبەرلىك بايقاسادى. ازيا – تىنىق مۇحيت ايماعىنان ۇزدىك ءتورت قۇراما الەم چەمپيوناتىنا جولداما الادى.
