«بۇگىندە ۇلى وتان سوعىسىنىڭ 17 ارداگەرىنە جەڭىس كۇنىنە وراي 1 ملن 500 مىڭ تەڭگەدەن جالپى سوماسى 25 500 مىڭ تەڭگەدەن بىرجولعى ماتەريالدىق كومەك كورسەتىلدى. ۇلى وتان سوعىسىنىڭ قاتىسۋشىلارى مەن مۇگەدەكتەرىنە تەڭەستىرىلگەن جانە باسقا ساناتتاعى 2153 ادامعا 100 مىڭ تەڭگەدەن جالپى سوماسى 215 300 مىڭ تەڭگە; 113 تىل ەڭبەككەرىنە 100 000 تەڭگەدەن جالپى سوماسى 11 370 000 تەڭگە سىياقى بەرىلدى», دەدى شقو جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى دوسحان قايىرعازينوۆ.
سونداي-اق ماراپاتسىز 5 601 تىل ەڭبەككەرىنە 50 000 تەڭگەدەن جالپى سوماسى 280 50 000 تەڭگە بەرىلدى.
2023 جىلدىڭ 9 مامىرىنا بيۋدجەت قاراجاتى ەسەبىنەن تولەمدەردىڭ جالپى سوماسى 532 ملن 220 مىڭ تەڭگەنى قۇرادى.
