مەملەكەت باسشىسىنا الەمدىك ستاندارتقا ساي حابار تاراتاتىن جانە كامەرا-روبوتتارمەن جابدىقتالعان جاڭا زاماناۋي ستۋديا تانىستىرىلدى.
پرەزيدەنتكە تەلەرەاديوكەشەننىڭ باس ديرەكتورى راۋشان قاجىباەۆا Ultra HD فورماتىندا لايف رەجيمدە حابار تاراتۋعا مۇمكىندىك بەرەتىن, جوعارى تەحنولوگيالىق زاماناۋي قۇرالدار قولدانىلعان ستۋديا جابدىقتارىن كورسەتتى.
تەلەارنا بەس تىلدە حابار تاراتادى. جاڭالىقتار ستۋدياسى ىلەسپە اۋدارما جاساي وتىرىپ, تىكەلەي ەفيردە جۇمىس ىستەيدى.
قاسىم-جومارت توقاەۆ بۇقارالىق اقپارات قۇرالدارى وكىلدەرى جۇمىسىنىڭ ماڭىزدىلىعىن جانە ولاردىڭ كاسىبيلىگىن اتاپ ءوتتى. پرەزيدەنت تەلەارنا ۇجىمىنا العىس ايتىپ, قىزمەتكەرلەرگە شىعارماشىلىق تابىس تىلەدى.
