مۇنداي مالىمدەمە مەملەكەت باسشىسىنىڭ قاتىسۋىمەن وتكەن ەلدىڭ الەۋمەتتىك-ەكونوميكالىق دامۋىنا ارنالعان كەڭەس بارىسىندا ايتىلدى.
«كەلىسسوزگە كەلگەن ازاماتتاردىڭ تالابى - ءۇش جىلعا كەلىسىم-شارت جاساسۋ. ءبىز بۇل تالاپتى ورىنداۋعا دايىن ەكەنىمىزدى ايتتىق. جالپى, بۇل - بيزنەس. بيزنەستە باسەكەلەستىك بولۋى كەرەك. مۇندا ءبىر كومپانيا جەڭدى, ەكىنشىسى جەڭىلدى. جەڭىمپاز كومپانيا «بەرالى» قىزمەتكەرلەرىن جۇمىسقا الۋعا دايىن ەكەنىن مالىمدەدى («بەرالى ماڭعىستاۋ Company» – ەسك.). كەيىن جۇمىسشىلار بۇل كومپانيادان باس تارتتى», دەپ ءتۇسىندىردى مىرزاعاليەۆ.
بۇل رەتتە «قازمۇنايگاز» باسقارماسىنىڭ توراعاسى مۇنايشىلار نەگە تەك كەلىسىمشارتپەن جۇمىس ىستەيتىنىن ءتۇسىندىردى.
«بۇعان دەيىن تەندەرلىك كەلىسىم ءبىر جىلعا جاسالعان. ەندى ءۇش جىلدىق كەلىسىمشارتقا كوشەمىز دەپ شەشتىك. بۇل تەك «قازمۇنايگازدىڭ» ۇستانىمى ەمەس. جەكە كومپانيالاردىڭ ءوز تاۋەكەلدەرى بار. ءۇش جىلعا قول قويىپ, سودان كەيىن ينفلياتسياعا بايلانىستى قۇرال-جابدىقتاردىڭ باعاسى كوتەرىلسە, قيىن بولادى. ارينە, بۇل ءار كاسىپورىننىڭ دايىندىعىنا بايلانىستى», دەدى مىرزاعاليەۆ.
ونىڭ ايتۋىنشا مۇنايشىلاردىڭ تالابى ۇنەمى وزگەرەدى.
ء«بىز جۇمىس ىستەۋگە دايىن ەكەنىمىزدى ايتتىق. الايدا ولار «وزەنمۇنايگازعا» جۇمىسقا تۇرعىلارى كەلەتىنىن ايتتى. بۇل وتە قيسىنسىز, مۇمكىن ەمەس تالاپ. ويتكەنى كەزەكتە 9 مىڭ ادام تۇر. «وزەنمۇنايگازعا» كىرۋدىڭ بەلگىلى ءبىر الگوريتمى بار. ەڭ الدىمەن, كوممۋنالدىق كاسىپورىنعا جۇمىسقا تۇرۋ كەرەك, سودان كەيىن عانا كاسىپورىنعا جۇمىسقا تۇرۋعا بولادى», دەپ ويىن اياقتادى قمگ توراعاسى.
