قفف ءباسپاسوز قىزمەتىنىڭ مالىمەتى بويىنشا, باعدارلاما 2023-2024 جىلدار ارالىعىندا فيفا جانە ۋەفا-نىڭ قولداۋىمەن جۇزەگە اسىرىلادى. سونىمەن قاتار باعدارلاما اياسىندا ايماقتىق اتقارۋ ورگاندارىنا بۇقارالىق فۋتبولعا ارنالعان جانە بيۋدجەتى تومەن فۋتبول الاڭدارىنىڭ قۇرىلىسى ءۇشىن جاساندى الاڭ قايتارىمسىز نەگىزدە توسەلەدى.
«باعدارلامانىڭ نەگىزگى ماقساتى – بالالار-جاسوسپىرىمدەر جانە بۇقارالىق فۋتبولدى دامىتۋ ءارى ناسيحاتتاۋ جولىندا قىزمەت اتقاراتىن ايماقتارعا قولداۋ كورسەتۋ. ەڭ الدىمەن حالىق كوپ قونىستانعان ايماقتاردا رەنوۆاتسيانى قاجەت ەتەتىن فۋتبول الاڭدارى ەنگىزىلەدى. جوبا فۋتبول الاڭدارىن قايتا جانداندىرىپ قويماي, ەلىمىزدە بۇقارالىق فۋتبولدى دامىتۋعا ۇلكەن كۇش بەرەدى», دەيدى قفف پرەزيدەنتى ادىلەت بارمەنقۇلوۆ.
قازاقستان فۋتبول فەدەراتسياسى فۋتبول الاڭدارى ءۇشىن ستاندارتتار مەن تالاپتاردى ازىرلەدى. جوباعا قاتىسۋ ءۇشىن جەرگىلىكتى اتقارۋ ورگاندارىنىڭ اتىنان سپورت نىساندارىنىڭ باسشىلارى قفف-عا 2023 جىلدىڭ 15 مامىرىنا دەيىن ءوتىنىش بىلدىرۋگە ءتيىس.
بارلىق سۇراق بويىنشا كەلەسى نومىرگە حابارلاسىڭىزدار: +7 (7172) 79-07-80.
