ماسەلەن, ەلىمىزدە 1 ملن 63 مىڭعا جۋىق ادام فۋتبول ۇيىرمەسىنە بارادى ەكەن. ولاردىڭ قاتارىندا اتالعان سپورتپەن كاسىبي تۇردە اينالىساتىن قىز-جىگىتتەر دە بار. بولاشاق فۋتبول جۇلدىزدارىن جاتتىقتىرىپ, تاربيەلەپ شىعارۋ ءۇشىن بۇگىندە قازاقستان بويىنشا 17 مىڭعا جۋىق ۇيىرمە جۇمىس ىستەيدى.
كەيىنگى جىلدارى قازاقستاندا كوماندالىق سپورت تۇرلەرىنە دەگەن قىزىعۋشىلىقتىڭ ارتقانى بايقالادى. بۇعان ەلىمىزدە 766 مىڭنان اسا ادام ۆولەيبولمەن, 562 مىڭعا جۋىعى باسكەتبولمەن اينالىساتىنى دالەل بولا الادى. جالپى, ۆولەيبول سپورتىنان جاسوسپىرىمدەر مەن ەرەسەكتەرگە ارنالعان 16 مىڭعا جۋىق ۇيىرمە, باسكەتبولدىڭ قىر-سىرىن ۇيرەتەتىن 11 738 ۇيىرمە بار.
سونىمەن قاتار سوڭعى ۋاقىتتا جاستار اراسىندا جەڭىل اتلەتيكا مەن ۇستەل تەننيسى ويىندارى دا كەڭ تانىمالدىققا يە بولا باستاعان. اتاپ ايتقاندا, «سپورت پاديشاسى» اتانعان جەڭىل اتلەتيكامەن 384 مىڭعا جۋىق وتانداسىمىز شۇعىلدانادى. ەلىمىز بويىنشا بۇل سپورت تۇرىنەن 7 380 ۇيىرمە جۇمىس ىستەپ تۇر.
ال جاس ەرەكشەلىگى مەن فيزيكالىق دايىندىعىنا قاراماستان جالپىعا بىردەي قولجەتىمدى سپورت ءتۇرى سانالاتىن ۇستەل تەننيسىمەن ەلىمىزدە 242 مىڭنان اسا ادام اينالىسادى ەكەن. مينيسترلىكتىڭ دەرەگى بويىنشا, ەلىمىزدە 8 مىڭعا جۋىق ۇستەل تەننيسى ۇيىرمەسى بار. وكىنىشكە قاراي, ەلىمىزدىڭ سپورت جانكۇيەرلەرى ءۇشىن ءنومىرى ءبىرىنشى سپورت تۇرىنە اينالعان بوكس ۇيىرمەلەرىنە نەبارى 126 مىڭعا جۋىق ادام قاتىسسا, دزيۋدومەن 133 مىڭ سپورتشى اينالىسادى. ال 116 مىڭ ادام ەركىن كۇرەسپەن شۇعىلدانادى.
