ءمينيستردىڭ ايتۋىنشا, بيىلعى جىلۋ بەرۋ كەزەڭىندە حالىق پەن كوممۋنالدى-تۇرمىستىق سەكتوردىڭ قاتتى وتىنعا دەگەن جوسپارلى قاجەتتىلىگى شامامەن – 9 ملن توننانى قۇرايدى. بۇل رەتتە يدم اتالعان ۋاقىتقا دايىندىقتى كۇشەيتۋ ءۇشىن كومىرمەنقامتاماسىز ەتۋ جونىندەگى ءىس-شارالار جوسپارىن (ونىڭ ىسكە اسىرىلۋى مەرزىمىمەن بىرگە) ازىرلەپ, جەرگىلىكتى اتقارۋشى ورگاندارعا جولداعانىن ايتا كەتۋ كەرەك.
«الداعى جىلىتۋ ماۋسىمىندا كوممۋنالدى-تۇرمىستىق كومىرءدىڭ تاپشىلىعىن بولدىرماۋ ءۇشىن وسى وتىن ءتۇرىن وندىرەتىن كاسىپورىنداردى قوسپاعاندا, اۆتوكولىكپەن جانە تەمىرجول كولىگىمەن ونى اكەتۋگە شەكتەيءتىن الدىن الۋ شارالارى قابىلدانىپ جاتقانىن ايتا كەتەيىك. جىلۋ بەرۋ مەزگىلىنىڭ ەڭ قىزعان كەزەڭىندە الەۋمەتتىك كومىردى ساتۋ نۇكتەلەرىنەن جىمقىرۋ فاكتىلەرى بايقالدى. اكىمدىكتەرءدىڭ تاراپىنان ءتيىستى باقىلاۋدىڭ جۇرگىزىلمەۋىنە بايلانىستى بىرقاتار وڭىرلىك وپەراتور الەۋمەتتىك كومىردى باسقا ماقساتتا, ياعني بيزنەس سۋبەكتىلەرىنە ساتا باستاعان», دەدى ۆەدومستۆو باسشىسى.
جاو-دىڭ جەدەل دەرەكتەرى بويىنشا, جىلۋمەن جابدىقتاۋ جەلىلەرىنىڭ جالپى ۇزىندىعى شامامەن – 14 مىڭ شاقىرىم. وسى رەتتە جىلۋ ينفراقۇرىلىمىنىڭ توزۋى پاۆلودار, قاراعاندى, شىعىس قازاقستان, سولتۇستىك قازاقستان جانە اباي وبلىستارىندا ساقتالىپ وتىر.
مينيسترلىكتىڭ كوممۋنالدى مەنشىگىندەگى جىلۋ جەلىلەرىن جاڭعىرتۋعا كەلسەك, بۇل ماقساتتا قارجىلاندىرۋدىڭ ءۇش تەتىگى ىسكە اسىرىلىپ جاتقانىن اتاپ وتكەن ءجون. ماسەلەن, نىسانالى ترانسفەرتتەر ارقىلى, بيۋدجەتتىك كرەديت ءبولۋ جانە شىعىنداردى 50%-عا دەيىن سۋبسيديالاۋ جولىمەن.
«2029 جىلعا قاراي جىلۋمەن جابدىقتاۋ جەلىلەرىنىڭ توزۋىن 43%-عا دەيىن تومەندەتۋ مىندەتى قويىلىپ وتىر. جەرگىلىكتى اتقارۋشى ورگاندار جىلۋمەن جابدىقتاۋ جوبالارى بويىنشا ءتيىستى وتىنىمدەر مەن قۇجاتتاردى ۇسىنۋ جونىندەگى جۇمىستى جانداندىرۋعا ءتيىس. قازىر 2024 جىلعا ارنالعان رەسپۋبليكالىق بيۋدجەتتى ناقتىلاۋ بارىسىندا تەك 43 جىلۋمەن جابدىقتاۋ جوباسىنا بايلانىستى وتىنىمدەر قاراستىرىلعان», دەدى مارات قاراباەۆ.
