قازاقستان تەننيسشىلەرى ەرلەر اراسىنداعى باسەكەنىڭ العاشقى اينالىمىندا جوناتان ەيسسەريك (فرانتسيا) پەن داۆيد پەل (نيدەرلاند) جۇبىمەن شەبەرلىك بايقاستى. ەكى ساعاتقا جۋىق جالعاسقان ماتچتا جەرلەستەرىمىز 2:6, 7:6 (7:5), 10:4 ەسەبىمەن جەڭىسكە جەتتى. ەندى اندرەي مەن الەكساندر شيرەك فينالدا اندرە گورانسون (شۆەتسيا) مەن بەن ماكلاحلان (جاپونيا) جۇبىمەن كەزدەسەدى. سونىمەن قاتار مەكسيكاداعى «چەللەندجەر» تۋرنيرىنە قاتىسىپ جاتقان دەنيس ەۆسەەۆ تە كەلەسى اينالىمعا جولداما الدى. ول باستاپقى باسەكەسىندە دومينيكاندىق نيك حاردتى ەكى سەتتە قاپى قالدىردى – 7:5, 7:6 (7:1).
اقش-تاعى «چارلستون WTA 500» ءتۋرنيرىن ءساتتى باستاعان الەمنىڭ 47-راكەتكاسى يۋليا پۋتينتسەۆا ءۇشىنشى اينالىمعا شىعا المادى. ەكىنشى اينالىمدا الەمنىڭ 17-راكەتكاسى رەسەيلىك ەكاتەرينا الەكساندروۆامەن شەبەرلىك بايقاسقان جەرلەسىمىز 6:1, 6:3 ەسەبىمەن جەڭىلىپ قالدى.
