ونىڭ ايتۋىنشا, 2022 جىلدىڭ 1 قاڭتارىندا مەملەكەتتىك قارىز مولشەرى 21,9 ترلن تەڭگەنى قۇرادى, ال ءبىر جىلدان كەيىن بۇل كورسەتكىش 25,3 ترلن تەڭگەگە دەيىن ءوستى. سونىمەن قاتار 2050 جىلعا قاراي ۇكىمەت قارىزىنىڭ ءجىو-گە 45%-عا دەيىن ءوسۋى بولجانىپ وتىر.
سەناتور بۇل ءۇردىس دەپۋتاتتاردىڭ الاڭداۋشىلىعىن تۋدىراتىنىن اتاپ ءوتتى.
«سونىمەن قاتار بىزدە ىشكى قارجىلاندىرۋ كوزدەرى بار – زەينەتاقى قورىندا شامامەن 15 ترلن تەڭگە, ەكىنشى دەڭگەيدەگى بانكتەردە 14 ترلن تەڭگە, سونداي-اق ۇلتتىق قوردىڭ قارجىسى بار. نەگىزىنەن ىشكى كوزدەردەن قارىز العانىنا قاراماستان, قارىزداردى وتەۋگە جانە ولارعا قىزمەت كورسەتۋگە ارنالعان شىعىستاردىڭ 1,5 ەسە وسكەنى بايقالادى, ولار 2023 جىلى جالپى شىعىستار كولەمىنىڭ 20,5%-ىن قۇراپ وتىر», دەدى شاكارىم بۇقتۇعۇتوۆ.
سەناتور وسىعان بايلانىستى قازاقستاننىڭ سىرتقى قارىزدارى بويىنشا تولىققاندى اۋديت جۇرگىزۋ جانە سالىنعان قارجىنىڭ ەكونوميكالىق تيىمدىلىگى جونىندە جوعارى اۋديتورلىق پالاتاعا سۇراقتار قويدى.
