- مۋحاممەد بين راشيد مەكتەبىنىڭ پرەزيدەنتى الي ال مارريمەن «Public Administration», «Public Policy» ماگيسترلىك باعدارلامالارى بويىنشا قوس ديپلومدىق ورتاق باعدارلاما اشۋ, ءبىلىم الۋشىلار مەن پروفەسسورلىق قۇرام اراسىندا اكادەميالىق الماسۋ باعدارلامالارىن ۇيىمداستىرۋ, ورتاق زەرتتەۋلەر جۇرگىزۋ, سونداي-اق مەملەكەتتىك قىزمەتشىلەردىڭ بىلىكتىلىگىن ارتتىرۋ باعىتىنداعى تاعىلىمدامالاردى ۇيىمداستىرۋ ماسەلەلەرىن تالقىلاپ, بىراقاتار كەلىسىمگە كەلدىك,- دەدى ءباا ساپارىندا قول جەتكىزگەن ناتيجەلەردى ءسوز ەتكەن اكادەميا رەكتورى ەرلان ءابىل.
سونىمەن قاتار اكادەميا رەكتورى انۋار گارگاش ديپلوماتيالىق اكادەمياسىنىڭ باس ديرەكتورى نيكولاي ملادەنوۆپەن كەزدەسۋ بارىسىندا ىنتىماقتاستىقتىڭ نەگىزگى باعىتتارى, اتاپ ايتقاندا, ديپلوماتيا جانە مەملەكەتتىك باسقارۋ سالاسىندا بىرلەسكەن زەرتتەۋلەر جۇرگىزۋ, وقىتۋشىلىق قۇراممەن الماسۋ جانە ءبىلىم الۋشىلارعا ارنالعان تاعىلىمداما ۇيىمداستىرۋ, مەملەكەتتىك قىزمەتشىلەردىڭ بىلىكتىلىگىن ارتتىرۋ سالاسىندا تاجىريبە الماسۋ ماسەلەلەرىن تالقىلادى. 
ال انۆار گارگاش ديپلوماتيالىق اكادەمياسى ءوز كەزەگىندە پارسى شىعاناعىنداعى اراب ەلدەرى جونىندە زەرتتەۋ جۇرگىزەتىن قازاقستان زەرتتەۋشىلەرىن بىرىككەن اراب امىرلىكتەرىنە, ال ورتا ازيا ەلدەرىنە قىزىعۋشىلىعى بار ءوز اكادەمياسىنىڭ پروفەسسورلارىن قازاقستانعا جىبەرۋدى ۇسىندى.
ەسكە سالساق, جىل باسىندا مەملەكەت باسشىسىنىڭ ءباا-گە رەسمي ساپارى بارىسىندا ەكى وقۋ ورنى اراسىندا ىنتىماقتاستىق تۋرالى مەموراندۋمعا قول قويىلعان ەدى.
كەزدەسۋ سوڭىندا انۆار گارگاش ديپلوماتيالىق اكادەمياسى جانە مۋحاممەد بين راشيد مەكتەبىنىڭ باسشىلىعى اكادەميانىڭ ۇيىمداستىرۋىمەن وسى جىلدىڭ 27-28 ساۋىرىندە وتەتىن جىل سايىنعى حالىقارالىق عىلىمي كونفەرەنتسيادا جۇزدەسۋگە ۋاعدالاستى.
