«الداعى پارلامەنتتىك سايلاۋدى باقىلاۋ ءۇشىن ەۋروپاداعى قاۋىپسىزدىك جانە ىنتىماقتاستىق ۇيىمىنان قازاقستانعا 400-گە جۋىق بايقاۋشى كەلەدى. بۇل حالىقارالىق باقىلاۋشىلاردىڭ ەڭ ۇلكەن ميسسياسى بولماق. وتكەن اپتادا ەقىۇ ميسسياسىنىڭ ارالىق ەسەبى جاريالانىپ, حالىقارالىق ساراپشىلار قازاقستاندا جۇزەگە اسىرىلىپ جاتقان سايلاۋ جۇيەسىنىڭ رەفورماسىنا وڭ باعا بەردى», دەدى ر.ۆاسيلەنكو.
ونىڭ ايتۋىنشا, قازاقستانداعى سايلاۋعا ەقىۇ-دان بىرقاتار جوعارى لاۋازىمدى تۇلعالار كەلەدى. اتاپ ايتقاندا, ەقىۇ/دياقب باقىلاۋشىلار ميسسياسىن يرلانديالىق ساياساتكەر وۋەن مەرفي باسقارادى. ەقىۇ تاراپىنان مۇنداي نازار قازاقستاننىڭ وسى ۇيىممەن بەلسەندى جانە ماقساتتى جۇمىسىنىڭ جاقسى ناتيجەسى ەكەندىگىن كورسەتەدى.
سونداي-اق سپيكەر ەقىۇ-نىڭ قازاقستانداعى سايلاۋعا نازار اۋدارۋى پرەزيدەنت قاسىم-جومارت توقاەۆتىڭ باستاماسىمەن جانە جۇزەگە اسىرىلىپ جاتقان قازاقستانداعى اۋقىمدى رەفورمالارعا حالىقارالىق قوعامداستىقتىڭ زور قىزىعۋشىلىق پەن قولداۋدىڭ دالەلى ەكەنىن اتاپ ءوتتى.
