يپوتەكا شارتتارى:
- باستاپقى جارنا – 30%;
- پايىزدىق مولشەرلەمەسى – العاشقى ءۇش جىلدا 7-10%, كەيىن 3,5% بولادى;
- پاتەردى تەك باستاپقى نارىقتان نەمەسە سالىنىپ جاتقان تۇرعىن ۇيدەن ۇلەستى قاتىسۋ ارقىلى الۋعا بولادى;
- نەسيە سوماسى – 90 ميلليون تەڭگەگە دەيىن;
- نەسيە مەرزىمى – 25 جىلعا دەيىن.
ەگەر ءۇي ءالى سالىنىپ جاتقان بولسا, قوسىمشا كەپىل رەتىندە باسقا پاتەردى قويۋ قاجەت. ونىڭ قۇنى يپوتەكا سوماسىنىڭ كەمىندە 70 پايىزىن جابۋعا ءتيىس جانە سالىنعان مەرزىمى كىرپىش ءۇي بولسا – 60 جىلدان, پانەلدىك ءۇي بولسا, 50 جىلدان اسپاۋى كەرەك. ول قارىز الۋشىنىڭ نەمەسە كەپىلگەردىڭ اتىندا بولۋى مۇمكىن. ءۇي دايىن بولعاندا, ساتىپ الىپ جاتقان پاتەردى كەپىلگە قويۋعا بولادى.
ەگەر قارىز الۋشىدا دەپوزيت بولماسا, ول 3 جىل بويى تۇرعىن ءۇيدىڭ بارلىق قۇنىنا ارالىق نەسيە (7-10%) تولەيدى. سالىمداعى جيناق پاتەر قۇنىنىڭ 50 پايىزىنا جەتكەندە, مولشەرلەمە 3,5%-عا دەيىن تومەندەيدى.
ازىرگە باعدارلاماعا تەك 6 قۇرىلىس كومپانياسى قاتىسىپ جاتىر.
