ءىس-شارانى اشقان قازاقستان ەلشىسى گۇلسارا ارىستانقۇلوۆا جاڭا قاعيدالارعا سايكەس وتكىزىلەتىن پارلامەنتتىڭ تومەنگى پالاتاسىنا جانە جەرگىلىكتى وكىلدى ورگاندارعا سايلاۋدىڭ نەگىزگى اسپەكتىلەرى تۋرالى ايتىپ بەردى. پارلامەنتتىك سايلاۋ پرەزيدەنت قاسىم-جومارت توقاەۆ باستاعان ەلىمىزدىڭ ساياسي جۇيەسىن تەرەڭ جاڭعىرتۋعا باعىتتالعان رەفورمالاردىڭ قورىتىندى كەزەڭى ەكەنىنە ەرەكشە نازار اۋداردى.
قازاقستاندىق ديپلومات جاڭارتىلعان ءماجىلىس نەعۇرلىم وكىلدى جانە بەلسەندى بولادى, ول وزەكتى ماسەلەلەر بويىنشا سىندارلى پىكىرتالاس جۇرگىزەتىن الاڭعا اينالادى دەگەن ءۇمىتى بارىن ايتتى.
ءىس-شاراعا قاتىسۋشىلار ارالاس جۇيە بويىنشا وتەتىن پارلامەنتتىك سايلاۋعا شىنايى قىزىعۋشىلىق تانىتتى. ولار ءوزىن-ءوزى ۇسىنعان كانديداتتاردىڭ, 30% كۆوتا نەگىزىندە ايەلدەردىڭ, جاستار مەن اسا قاجەتتىلىكتەرى بار ازاماتتاردىڭ باسەكەگە بەلسەندى قاتىسۋلارىن اتاپ ءوتتى.
تالقىلاۋ بارىسىندا ساراپشىلار تاۋەلسىز ۇمىتكەرلەردىڭ سايلاۋ ناۋقانىن قارجىلاندىرۋ, سونداي-اق بولاشاقتا جەرگىلىكتى وكىلدى ورگاننىڭ جاڭادان سايلانعان دەپۋتاتتارى مەن وبلىستاردىڭ اكىمدەرى اراسىنداعى ءوزارا ءىس-قيمىلدارىنا قاتىستى سۇراقتار قويدى.
