وسك حابارلاعانداي, سايلاۋالدى ۇگىت-ناسيحات ماتەريالدارىن الەۋمەتتىك جەلى پاراقشالارىندا جاريالاۋ ءۇشىن پاراقشا يەسى باق سياقتى 14 اقپانعا دەيىن ورتالىق سايلاۋ كوميسياسىنا, ايماقتىق سايلاۋ كوميسسيالارىنا اقپاراتتىق حابارلاما پرايسىن جىبەرىپ, سايتتارىنا تىركەلۋى ءتيىس.
سونىمەن قاتار, ەگەر قولدانۋشى قانداي دا ءبىر ۇمىتكەر تۋرالى پوست جازسا, ۇمىتكەر سايلاۋدان شەتتەتىلمەيدى, پوستتىڭ اۆتورىنا اكىمشىلىك جازا قولدانىلادى.
«اۆتور تەك ءوزىنىڭ پىكىرىن جازا الادى. ەگەر ماتەريال ءوز پىكىرى ەسەبىندە جازىلسا, ول كەزدە جاۋاپكەرشىلىك قاراستىرىلمايدى. ال, ەگەر كانديداتتىڭ تاپسىرۋىمەن بەرىلگەن ماتەريال بولسا ول كەزدە جازا قولدانىلادى», دەدى وسك ءباسپاسوز قىزمەتى.
سونداي-اق قارجىلاندىرۋ ماسەلەسى بولماۋى قاجەت.
«مىسالى ۆيدەوروليكتەر نەمەسە ۇگىت جۇرگىزەتىن ماتەريالدارعا قارجى بولىنسە, ول كەزدە دە جازا قاراستىرىلادى. كانديدانتپەن كەلىسىمشارت بويىنشا جۇمىس ىستەگىسى كەلگەن ادام ءوز ۇسىنىسىن وسك-عا جىبەرۋى ءتيىس», دەدى ۆەدومستۆودان.
سايلاۋ الدىنداعى ۇگiت جۇرگiزۋ قۇقىعى تۋرالى قر سايلاۋ تۋرالى زاڭىنىڭ 28-بابى ءبىرىنشى تارماعىندا جازىلعانىن اتاپ ءوتۋ كەرەك.
