«شابۋىل جاساۋشىلار ستاندارتتى سحەما بويىنشا ارەكەت ەتكەن. ولار اۋلالاردى ارالاپ, كوپقاباتتى ۇيلەردىڭ تەرەزەلەرى مەن كىرەبەرىستەرىن قاراپ, پاتەردە بىرەۋدىڭ بار-جوعىن تەكسەرىپ, كىرەبەرىسكە كىرىپ, كىلتتى تاڭداپ نەمەسە ق ۇلىپتى بۇزىپ ەسىكتى اشقان. بارلىق قۇندى زاتتاردى – اقشانى, ۇساق-تۇيەك بۇيىمداردى, ءتۇرلى زەرگەرلىك بۇيىمداردى الىپ كەتىپ وتىرعان. ءبىرى بوتەننىڭ ءۇيىن توناسا, ەكىنشىسى كولىكتە كۇتىپ وتىرعان», دەدى الماتى قالالىق پوليتسيا دەپارتامەنتى كريمينالدىق پوليتسيا باسقارماسىنىڭ باستىعى قۋاتبەك ناۋاتوۆ.
ونىڭ ايتۋىنشا, كۇدىكتىلەر 1996 جانە 2000 جىلى تۋعان. ولار پوليتسيا ارنايى جاساقتارىنىڭ كومەگىمەن بوستاندىق اۋدانى پب, ۇقك ارنايى جاساعىنىڭ قىزمەتكەرلەرى جەدەل-ىزدەستىرۋ ءىس-شارالارى بارىسىندا ۇستالدى.
سوڭعى ۇرلىق كەزىندە پاتەر توناۋشىلار ساندىق جابدىقتار مەن اقشا الىپ كەتكەن. كۇدىكتىلەر زاتتاي ايعاقتاردان قۇتىلىپ ۇلگەرمەگەن. ولار ۇستاۋ كەزىندە قىلمىستىق ىسكە قوسىلدى.
«ۇستالعانداردىڭ ءبىرى قازاقستاننىڭ باسقا ايماقتارىندا بىرقاتار ۇرلىق جاساعانى ءۇشىن حالىقارالىق ىزدەۋدە بولعان. قازىر ەكەۋىنىڭ دە وسىعان ۇقساس قىلمىستارعا قاتىسى بار-جوعى تەكسەرىلۋدە», دەدى پوليتسيا باسشىسى.
قىلمىس جاساعاندار ۋاقىتشا ۇستاۋ يزولياتورىنا قامالدى. قازىرگى ۋاقىتتا قر قىلمىستىق كودەكسىنىڭ 188-بابىنىڭ 3-بولىگى بويىنشا سوتقا دەيىنگى تەرگەۋ امالدارى جۇرگىزىلىپ جاتىر..
