وسى اتاۋلى كۇنگە وراي قر سىرتقى ىستەر مينيسترلىگىندە ءمينيستردىڭ ورىنباسارى رومان ۆاسيلەنكونىڭ سلوۆاكيانىڭ قازاقستانداعى ەلشىسى روبەرت كيرناگپەن كەزدەسۋى ءوتتى.
كەزدەسۋ بارىسىندا ر. ۆاسيلەنكو سلوۆاكيا رەسپۋبليكاسىنىڭ قۇرىلۋ كۇنىنە وراي پرەزيدەنت ق. توقاەۆتىڭ, پارلامەنت پالاتالارىنىڭ باسشىلارى م.اشىمباەۆتىڭ جانە ە.قوشانوۆتىڭ, پرەمەر-مينيستر ءا.سمايىلوۆتىڭ قۇتتىقتاۋ حاتتارىن ديپلوماتقا تابىستادى.
تاراپتار ديپلوماتيالىق قاتىناستاردىڭ ورناعانىنا 30 جىل تولۋىنا وراي سىرتقى ساياسي ۆەدومستۆولارىنىڭ باسشىلارى مۇحتار تىلەۋبەردى مەن راستيسلاۆ كاچەردىڭ قۇتتىقتاۋ حاتتارىمەن الماستى. م. تىلەۋبەردى ءوزىنىڭ قۇتتىقتاۋىندا وسى تاۋەلسىزدىك جىلدارى ىشىندە سلوۆاكيانىڭ مەملەكەتتىلىگىن جانە قوعامدىق بىرلىكتى دامىتۋداعى جەتىستىكتەرى تۋرالى ايتتى.
«قازاقستان مەن سلوۆاكيا اراسىنداعى قالىپتاسقان دوستىق قارىم-قاتىناستار ءارى قاراي تەرەڭدەي ءتۇسىپ, حالىقتارىمىزدىڭ يگىلىگى ءۇشىن ءوزارا ىنتىماقتاستىق رۋحىندا دامي بەرەتىندىگىنە سەنىمدىمىن», دەپ جازىلعان م.تىلەۋبەردىنىڭ قۇتتىقتاۋىندا.
ءوز كەزەگىندە ر.كاچەر «ەكىجاقتى قارىم-قاتىناستاردىڭ قارقىندى دامۋىنىڭ 30 جىلى ءوزارا تابىستى ىنتىماقتاستىققا تاراپتاردىڭ مۇددەلىلىگىن ايعاقتايدى. بارلىق دەڭگەيلەردە تۇراقتى ساياسي ديالوگ پەن دەلەگاتسيالاردىڭ ساپارلارى جۇزەگە اسىرىلادى, ال ىنتىماقتاستىق بەرىك قۇقىقتىق تۇعىرعا نەگىزدەلگەن» دەپ اتاپ ءوتتى.
سوڭعى جىلدارى قازاقستان-سلوۆاكيا ىنتىماقتاستىعى بەلسەندى دامىدى. ەكى ەلدىڭ پارلامەنتتەرىندە دوستىق پەن ىنتىماقتاستىقتىڭ دەپۋتاتتىق توپتارى قۇرىلدى, ەكونوميكالىق ىنتىماقتاستىق جونىندەگى ۇكىمەتارالىق كوميسسيا جۇمىس ىستەۋدە. ءوزارا ءىس-قيمىلدىڭ نەگىزگى باعىتتارى بەلگىلەندى – ەنەرگەتيكا, قۇرىلىس, ينفراقۇرىلىم, كولىك, IT مەن كوممۋنيكاتسيا, اۋىل شارۋاشىلىعى, عىلىم جانە تەحنولوگيا.
2022 جىلدىڭ 11 ايىندا ەكى ەل اراسىنداعى تاۋار اينالىمى 92,4 ملن اقش دوللارعا باعالاندى, بۇل وتكەن جىلدىڭ سايكەس كەزەڭىمەن سالىستىرعاندا 18%-عا ارتىق. قازاقستاندا سلوۆاكيانىڭ قاتىسۋىمەن 30-دان استام كومپانيا تابىستى جۇمىس ىستەپ جاتىر.
استانا سلوۆاكيا رەسپۋبليكاسىنىڭ ۆىشەگراد تورتتىگى جانە ديپلوماتيانىڭ باسقا دا ماڭىزدى تەتىكتەرى اياسىندا حالىقارالىق قاۋىپسىزدىك پەن ايماقتىق تۇراقتىلىقتى قولداۋعا باعىتتالعان كۇش-جىگەرىن جوعارى باعالايدى.
براتيسلاۆا قازاقستان رەسپۋبليكاسىنىڭ يادرولىق قارۋسىزدانۋ جانە تاراتپاۋ ىسىنە, حالىقارالىق جانە ايماقتىق قاۋىپسىزدىك پەن تۇراقتىلىقتى نىعايتۋعا, سونداي-اق مادەنيەتارالىق جانە كونفەسسياارالىق ديالوگتى دامىتۋعا قوسقان ۇلەسىن جوعارى باعالايدى.
سۇحباتتاستار قازاقستان مەن سلوۆاكيا ەكى مەملەكەت حالىقتارىنىڭ يگىلىگى ءۇشىن ەكىجاقتى قارىم-قاتىناستاردى جان-جاقتى نىعايتۋعا جانە دامىتۋعا نيەتتى ەكەندىكتەرىن اتاپ ءوتتى.
