جوبادا وبلىس ورتالىعى پەتروپاۆلدا 4 مەكتەپ سالۋ كوزدەلگەن. ءبىلىم وردالارىن ءتورت شاعىن اۋداندا, اتاپ ايتقاندا, جاس-وركەن, ورمان, قوپاي جانە بەرەكە اۋداندارىندا سالۋ جوسپارلانىپ وتىر. ەكى مەكتەپتىڭ قۇرىلىسى بيىل, تاعى ەكەۋى كەلەسى جىلى, ياعني 2024 جىلى باستالادى. وقۋ-اعارتۋ ءمينيسترى قۇرىلىستىڭ ۋاقىتىلى باستالىپ, دەر كەزىندە اياقتالۋىنا باسا نازار اۋداردى.
«بارلىق ماسەلەنى دەر كەزىندە جانە ساپالى ورىنداۋ قاجەت. مەكتەپتەردىڭ ۋاقىتىلى تاپسىرىلۋىنا اكىمدەردىڭ جاۋاپكەرشىلىگى بەكىتىلگەنىن بىلەسىزدەر. جاڭا مەكتەپتەردە بالالاردىڭ ساپالى ءبىلىم الۋىنا بارلىق جاعداي جاسالۋى قاجەت. سونىمەن قاتار مەملەكەت باسشىسى وسكەلەڭ ۇرپاق تاربيەسىنە دە ەرەكشە كوڭىل ءبولۋدى تاپسىردى. ءبىلىم بەرۋ ۇيىمدارىندا بالالاردىڭ قاۋىپسىزدىگىن قامتاماسىز ەتۋ دە ماڭىزدى», دەدى وقۋ-اعارتۋ ءمينيسترى عاني بەيسەمباەۆ.
