فوتو: youtube.com/@HiggsfieldAI
Higgsfield پلاتفورماسىندا جاسالعان Hell Grind اتتى 95 مينۋتتىق تۋىندى اۆتورلارىنىڭ ءبىرى – كاسىپكەر ەرزات دۋلات. ال جوبانىڭ رەجيسسەرى ءارى ستسەناري اۆتورى – بۇعان دەيىن «اۋرۋ» اتتى حوررور فيلمىمەن تانىلعان ايتورە جولداسقالي.
جوبا نەبارى ءۇش اپتادان از ۋاقىت ىشىندە دايىندالعان. كوماندا مالىمەتىنشە, تەك العاشقى 25 مينۋتتىڭ وزىنە 253 كورىنىس ءۇشىن 16 181 گەنەراتسيا قولدانىلعان.
500 مىڭ دوللاردان اسپايتىن فيلم بيۋدجەتىنىڭ 400 مىڭ دوللارى ەسەپتەۋ قۋاتتارىنا جۇمسالعان. بۇل كورسەتكىش گولليۆۋد ستاندارتتارىمەن سالىستىرعاندا بىرنەشە ەسە تومەن.
ەسكە سالا كەتەيىك, بۇعان دەيىن ەلىمىزدە «قوزى كورپەش – بايان سۇلۋ» ەپوسى جەلىسىمەن جي-فيلم تۇسىرىلگەن بولاتىن.
