كوميسسيا جۇمىسىنا ورتالىق مەملەكەتتىك ورگانداردىڭ, «اتامەكەن» ۇكپ وكىلدەرى, سونداي-اق وڭىرلەردىڭ باسشىلارى قاتىستى.
دەنساۋلىق ساقتاۋ ءمينيسترى اجار عينياتتىڭ ايتۋىنشا, ەلىمىزدە قاراشا ايىنىڭ باسىنان باستاپ كوروناۆيرۋسپەن سىرقاتتانۋشىلىقتىڭ ءوسۋى بايقالادى. تاۋلىگىنە كۆي+ 235 جانە كۆي- 40 جاعدايى تىركەلەدى. سوڭعى اپتادا سىرقاتتانۋشىلىق 21%-عا ارتقان (اپتاسىنا 1 001 جاعدايدان 1 283-كە دەيىن).
«بۇگىنگى تاڭدا بارلىق وڭىرلەر – «جاسىل» ايماقتا. سونىمەن قاتار 15 وڭىردە R كورسەتكىشى بىرلىكتەن جوعارى, بۇل ينفەكتسيانىڭ تارالۋىنىڭ ءوسۋىنىڭ بەلگىسى. باس مەملەكەتتىك سانيتارلىق دارىگەردىڭ قاۋلىسىنا سايكەس R كورسەتكىشى 1-دەن جوعارى بولسا, قوعامدىق ورىنداردا بەتپەردە تاعۋ ۇسىنىلادى», دەدى اجار عينيات.
ۆيتسە-پرەمەر التاي كولگىنوۆ مەملەكەتتىك ورگانداردىڭ باسشىلارىنا, اكىمدىكتەرگە حالىقتى ۆاكتسينالاۋ جانە رەۆاكتسيناتسيالاۋ جۇمىستارىن جانداندىرۋدى, حالىق اراسىندا ءتۇسىندىرۋ جۇمىستارىن كۇشەيتۋدى تاپسىردى.
بۇگىنگى تاڭدا ءبىرىنشى كومپونەنتپەن ەگىلگەندەر جالپى حالىقتىڭ 81,1%-ىن قۇرايدى, ەكىنشى كومپونەنتپەن ەگىلگەندەر سانى – 79,3%, العاشقى رەۆاكتسيناتسيادان 5,6 ملن ادام نەمەسە ءتيىستى حالىقتىڭ 70%-ى, قايتا رەۆاكتسيناتسيادان 1,1 ملن ادام نەمەسە ءتيىستى حالىقتىڭ 51,9%-ى ءوتتى.
