كەشەندى جوسپاردا سۋ كودەكسىن جاڭا رەداكتسيادا ازىرلەۋ, سۋ رەسۋرستارى مەن سۋ شارۋاشىلىعى ماسەلەلەرى جونىندەگى عىلىمي ورتالىق قۇرۋ, سۋدى پايدالانۋدى رەتتەۋدىڭ ەكونوميكالىق تەتىكتەرىن ىسكە اسىرۋ, سۋ شارۋاشىلىعى ينفراقۇرىلىمىن دامىتۋ جانە باسقا دا ءىس-شارالار كوزدەلگەن.
اتاپ ايتقاندا, اقمولا, اقتوبە, الماتى, جامبىل, شىعىس قازاقستان جانە قاراعاندى وبلىستارىندا 8 جاڭا سۋ قويماسىن سالۋ جانە 16 اپاتتى سۋ قويماسىن رەكونسترۋكتسيالاۋ جوسپارلانۋدا.
بۇل قوسىمشا سۋ كولەمىن جيناقتاۋعا, 124 ەلدى مەكەندە سۋ تاسقىنى قاۋپىن ازايتۋعا, 170 مىڭ گەكتاردان استام جاڭا سۋارمالى جەرلەردى اينالىمعا ەنگىزۋگە مۇمكىندىك بەرەدى.
بۇدان باسقا, سۋارۋ ارنالارىن رەكونسترۋكتسيالاۋ, ماگيسترالدىق جانە شارۋاشىلىقارالىق ارنالاردى اۆتوماتتاندىرۋ, سونداي-اق سۋ رەسۋرستارىن باسقارۋدى تسيفرلاندىرۋ كوزدەلگەن, بۇل سۋدىڭ ىسىرابى مەن ارتىق شىعىنىن ايتارلىقتاي ازايتۋعا مۇمكىندىك بەرەدى.
«الداعى ءۇش جىلدا ءبىز ەكونوميكاعا جانە ازاماتتارىمىز ءۇشىن بارىنشا ءتيىمدى بولاتىن وزەكتى ماسەلەلەردى شەشۋىمىز كەرەك. الدىمەن, جوعارى ناتيجە بەرەتىن, سونداي-اق, ءبىرىنشى كەزەكتە رەكونسترۋكتسيالانۋى ءتيىس سۋ قۇرىلىستارىنىڭ قاۋىپسىزدىگىن قامتاماسىز ەتەتىن باسىم جوبالاردى ىرىكتەپ الۋىمىز كەرەك», دەدى ءاليحان سمايىلوۆ.
