فوتو: istockphoto
ءورت 2025 جىلدىڭ 18 قاراشا كۇنى تاڭەرتەڭ بولعان. قۇتقارۋشىلار جانىپ جاتقان ۇيدەن ەس-ءتۇسسىز جاتقان ءۇش ادامدى الىپ شىعىپ, توعىز بالانى قوسقاندا 12 ادامنىڭ قازا تاپقانىن انىقتادى. وقيعا بويىنشا تەرگەۋ قىلمىستىق كودەكستىڭ 292-بابى ء«ورت قاۋىپسىزدىگى تالاپتارىن بۇزۋ» بويىنشا جۇرگىزىلدى.
قانات بوزىمباەۆتىڭ ايتۋىنشا, بۇل قايعىلى وقيعادان قىلمىستىق ءىز انىقتالماعان.
«بۇعان تۇرمىستىق جاعداي سەبەپ بولعان. مەنىڭ بىلۋىمشە, تەرگەۋ اياقتالدى. ەلەكتر قۇرىلعىسىنان شىققان», دەدى ۆيتسە-پرەمەر ۇكىمەتتەگى بريفينگ بارىسىندا.
ول ءورتتىڭ ناقتى سەبەبى ساراپتامالار جۇرگىزىلگەننەن كەيىن بىردەن انىقتالعانىن ايتتى.
تۇركىستانداعى ءورت: زارداپ شەككەن تاعى ءبىر ادام شىمكەنتكە جەتكىزىلدى
ەستەرىڭىزگە سالا كەتەيىك, كەشە تۇركىستان وبلىسى جەتىساي اۋدانىنىڭ العاباس اۋىلىندا ەكى قاباتتى جەكە تۇرعىن ءۇي ورتەنىپ, 12 ادام مەرت بولدى. ونىڭ 9-ى بالا. قىزىل جالىن 360 شارشى مەتردى شارپىعان. وقيعا ورنىنان سۋرەتتەر جاريالاندى.
