فوتو: اقوردا
ايماق اكىمى وڭىردە قولايلى ينۆەستيتسيالىق كليمات قالىپتاسىپ, ەكونوميكانى ءارتاراپتاندىرۋدا الداعى ءۇش جىلعا 1 تريلليون 900 ميلليارد تەڭگەنىڭ 48 ينۆەستيتسيالىق جوباسىن ىسكە اسىرۋ جوسپارلانعانىن ايتتى.
بيىل وبلىستا 1 تريلليون تەڭگەگە 14 ءىرى جوبانىڭ قۇرىلىسى باستالادى.
سونداي-اق پرەزيدەنتتىڭ ۇلتتىق قۇرىلتاي وتىرىسىندا بەرگەن تاپسىرماسىنا سايكەس, قىزىلوردا قالاسىندا 300 ورىندىق كوپبەيىندى اۋرۋحانا, 500 ورىندىق ەمحانا, 200 ورىندىق پەريناتالدىق ورتالىق, جاڭا دراما تەاترى مەن زاماناۋي كىتاپحانانىڭ قۇرىلىستارى جۇرگىزىلىپ جاتىر.
قىزىلوردا – اقتوبە اۆتوجولىن كەڭەيتۋ جوباسىنىڭ ءبىرىنشى كەزەڭى باستالدى. بەينەۋ – سەكسەۋىل تاس جولىنىڭ قۇرىلىسى جاقىندا قولعا الىنباق.
جىل سوڭىنا دەيىن 10 ەلدى مەكەن گازداندىرىلىپ, حالىقتىڭ 85 پايىزى كوگىلدىر وتىننىڭ يگىلىگىن كورەدى.
ءۇي كەزەگىندەگى ازاماتتاردى باسپانامەن قامتۋ ماقساتىندا بيىل 2 400 پاتەر بەرۋ جوسپارلانعان.
وبلىستاعى 138 شاقىرىم اۆتوموبيل جولدارى, كوشەلەر مەن كوپىر وتكەلدەرىن جوندەۋدەن وتكىزۋ, جولداردىڭ 95,5 پايىزىن جاقسارتۋ كوزدەلگەن.
مەملەكەت باسشىسى وبلىس اكىمىنە ەكونوميكانى ءارتاراپتاندىرۋ, ينۆەستيتسيا تارتۋ, ەكولوگيالىق احۋالدى ىلگەرىلەتۋ جانە اۋىل شارۋاشىلىعىنا سۋ ۇنەمدەۋ تەحنولوگيالارىن ەنگىزۋ جۇمىستارىن جالعاستىرۋ بويىنشا بىرقاتار تاپسىرما بەردى.
بۇعان دەيىن پرەزيدەنتكە پاۆلودار وبلىسىنىڭ اكىمى ءوڭىردىڭ بىلتىرعى جانە 2026 جىلدىڭ ءبىرىنشى توقسانىنداعى الەۋمەتتىك-ەكونوميكالىق دامۋى جايىندا مالىمەت بەردى.
