كۆاليفيكاتسيالىق جارىستىڭ كەلەسى كەزەڭىنە قاتىسۋ قۇقىعى ءۇشىن كوماندالار Phygital Football, Phygital Basketball جانە Phygital Dancing سەكىلدى ءۇش باعىتتا ءوزارا باق سىنادى. جارىس كۇنىنىڭ قورىتىندىسى بويىنشا كوماندالىق تۋرنيرلەردىڭ كەلەسى كەزەڭىنە قاتىسۋشىلار جانە بي باعىتىنداعى العاشقى ءابسوليۋتتى چەمپيون انىقتالدى.
PHYGITAL FOOTBALL
توپتىق كەزەڭ سەگىز ماتچتان تۇردى, ولار ىرىكتەۋ سەريالارىنا جانە جەڭىمپازدار ماتچىنا ءبولىندى.
ىرىكتەۋ سەريالارى (Elimination Matches):
- A توبى: Lahore Athletics FC كلۋبى Panther Phygx كومانداسىن جالپى 5:2 ەسەبىمەن جەڭدى. كوماندا تسيفرلىق كەزەڭدە 3:0 ەسەبىمەن جەڭىسكە جەتىپ, فيزيكالىق الاڭداعى 2:2 تەپە-تەڭدىگىن ءوز پايداسىنا شەشە الدى.
- B توبى: Noname Club كومانداسى FC Royal Haki-ءدى 9:3 ەسەبىمەن ۇتتى. جەڭىمپازدار تسيفرلىق كەزەڭدى 6:2, ال فيزيكالىق كەزەڭدى 3:1 ەسەبىمەن اياقتاپ, ەكى كەزەڭدە دە باسىم بولدى.
- C توبى: ەكى دۇركىن چەمپيون JR Style كومانداسى Misa Esports-تى جالپى 8:1 ەسەبىمەن ويسىراتا جەڭدى. كوماندا سيمۋلياتوردا 5:1 ەسەبىمەن ۇتىپ, ناقتى الاڭداعى تابىسىن 3:0 ەسەبىمەن بەكەمدەدى.
- D توبى: FC Olympic Phygital كلۋبى FC Ararat-Armenia كومانداسىن 4:2 ەسەبىمەن جەڭدى. تسيفرلىق بولىكتە 1:1 تەپە-تەڭدىگىنەن كەيىن, FC Olympic Phygital ويىنشىلارى فيزيكالىق كەزەڭدە 3:1 ەسەبىمەن باسىم ءتۇستى.
جەڭىمپازدار ماتچى (Winners' Matches):
- A توبى: Team Cyprus كومانداسى Los Fieles-ءتى 6:2 ەسەبىمەن جەڭدى. Team Cyprus كومانداسىنىڭ قاقپاشىسى ايىپ الاڭىنىڭ سىرتىندا دوپتى قولمەن ۇستاعانى ءۇشىن الاڭنان قۋىلعانىنا قاراماستان, كوماندا باسىمدىقتى ساقتاپ, ماتچ سوڭىندا ءدال سوققىمەن جەڭىستى بەكىتتى.
- B توبى: Skoljke Katic كومانداسى Oeste SP-ءدى مينيمالدى باسىمدىقپەن ۇتتى. تسيفرلىق كەزەڭدەگى 0:0 ەسەبىنەن كەيىن, Skoljke Katic فيزيكالىق تەكەتىرەستە 3:2 ەسەبىمەن جەڭىسكە جەتتى.
- C توبى: NS Team كومانداسى MNK كلۋبىن 6:2 ەسەبىمەن جەڭدى. كلۋب تسيفرلىق كەزەڭدە 2:0 ەسەبىمەن جەڭىپ, ناقتى الاڭدا ارتىقشىلىعىن ارتتىرا ءتۇستى.
- D توبى: ACF x Allur كومانداسى KMF Titograd-تى 5:2 ەسەبىمەن ۇتتى. الاڭ يەلەرى ACF x Allur تسيفرلىق كەزەڭدى 2:0 ەسەبىمەن اياقتاپ, فيزيكالىق ماتچتى 3:2 ەسەبىمەن ءوز پايداسىنا شەشتى.
PHYGITAL BASKETBALL
باسكەتبول باعىتىندا سەگىز كەزدەسۋ ءوتتى. جارىس كۇنىنىڭ قورىتىندىسى بويىنشا Triada, MINSK, Vozdovac جانە ZM NITUI كلۋبتارى كوش باستادى.
- M NITUI كلۋبى Team Elites كومانداسىن 36:27 ەسەبىمەن ۇتتى.
- BOCA كومانداسى قوسىمشا ۋاقىتتا GEPCO-دان 38:29 ەسەبىمەن باسىم ءتۇستى.
- MINSK كلۋبى Triada ۇجىمىن ءبىر ۇپاي ايىرماشىلىعىمەن (28:27) ارتتا قالدىردى.
- Triada كلۋبى Valencia Basket كومانداسىن 40:32 ەسەبىمەن جەڭدى.
- ZM NITUI ۇجىمى BOCA كلۋبىن 33:30 ەسەبىمەن تىزە بۇكتىردى.
- Vozdovac كلۋبى Team Elites كومانداسىنان 36:27 ەسەبىمەن باسىم ءتۇستى.
- Triada قۇرامى ARENA BULLS كلۋبىن 38:28 ەسەبىمەن قاپى قالدىردى.
- MINSK كلۋبى UZBEK HYPER HOOPS ۇجىمىن 40:21 ەسەبىمەن ءىرى ەسەپپەن جەڭدى.
PHYGITAL DANCING
Comfort Hotel Astana قوناقۇيىندە فيدجيتال-بيدەن فينالدىق جارىستار ءوتتى. تۋرنير Best of Three جۇيەسى بويىنشا ۇيىمداستىرىلدى.
- ءبىرىنشى جارتىلاي فينالدا Sagdiyana ەكىنشى راۋندتا 1000 ۇپاي ايىپپۇل تولەنۋىنە قاراماستان, Susan Huertas-تى 2:1 ەسەبىمەن جەڭدى.
- ەكىنشى جارتىلاي فينالدا Andres Guardo, Sergio Mayta-نى 2:1 ەسەبىمەن ۇتتى.
- ءۇشىنشى ورىن ءۇشىن وتكەن ماتچتا Susan Huertas, Sergio Mayta-نى 2:0 ەسەبىمەن جەڭىپ, قولا جۇلدەنى يەلەندى.
- گران-فينالدا Andres Guardo, Sagdiyana-نى 2:1 ەسەبىمەن جەڭىپ, ديستسيپلينا چەمپيونى اتاندى.
Phygital Dancing باعىتىنداعى ورىندار:
- Andres Guardo
- Sagdiyana
- Susan Huertas
- Sergio Mayta
ەسكەك ەسۋ: ءبىزدىڭ جىگىتتەر حالىقارالىق جارىستا التىن مەن كۇمىس يەلەندى
بولاشاق ويىندارى
Phygital Contenders Astana 2026 ءتۋرنيرى استانادا وتەتىن ماۋسىمنىڭ باستى وقيعاسى – بولاشاق ويىندارى 2026 (Games of the Future 2026) تۋرنيرىنە رەسمي ىرىكتەۋ كەزەڭى مارتەبەسىنە يە. جارىستار تسيفرلىق جانە فيزيكالىق پاندەردى بىرىڭعاي ۇپاي جۇيەسى اياسىندا بىرىكتىرەدى. ۇيىمداستىرۋشىلار بۇل باعىتتى Phygital International جانە دۇنيەجۇزىلىك Phygital قاۋىمداستىعىنىڭ (WPC) قولداۋىمەن دامىتۋدا. Phygital Contenders سەرياسىنداعى تۋرنيرلەردە ءساتتى ونەر كورسەتۋ كوماندالارعا بولاشاق ويىندارى 2026 (GOTF 2026) جارىسىنا قاتىسۋعا ۇمىتكەر بولۋ مۇمكىندىگىن بەرەدى.
ايتا كەتەيىك, ءتۋرنيردىڭ وتكىزىلۋ كۇندەرى 10-14 ماۋسىم, باعىتتارى – فيدجيتال-فۋتبول, فيدجيتال-باسكەتبول, فيدجيتال-بي. ۇيىمداستىرۋشى: «قازسپورتينۆەست» اق, قۇقىق يەسى: Phygital International.
