بالانىڭ اناسى نازگۇل ساندىباەۆانىڭ ايتۋىنشا, بالا ءۇيدىڭ اۋلاسىندا ويناپ وتىرعاندا بىرنەشە يت كەلىپ شابۋىل جاساعان. دالاداعى ايعاي-شۋدى ەستىگەن كورشىسى بالانى يتتەرەن اراشالىپ العان.
«بەس جاسار ۇلىمنىڭ دەنەسىندە ساۋ تامتىعى جوق. يتتار جامباسىنان باستاپ, ارقاسىن, قولدارىن, ساۋساعىنا دەيىن ءتىستاپ تاستاعان», دەيدى نازگۇل.
اناسىنىڭ ايتۋىنشا, بالانىڭ العان جاراقاتى كوپ. قازىر دارىگەرلەردىڭ باقىلاۋىندا.
ورال اكىمدىگى قاراۋسىز جۇرگەن يتتەردى اۋلاۋ, زارارسىزداندىرۋ, ۆاكتسيناتسيالاۋ, جانە ۋاقىتشا ۇستاۋ جۇمىستارى قر «جانۋارلارعا جاۋاپكەرشىلىكپەن قاراۋ تۋرالى» زاڭىنا سايكەس جۇرگىزىلىپ جاتقاندىعىن مالىمدەدى.
اكىمدىكتىڭ مالىمەتىنشە, ءساۋىر ايىنىڭ باسىنان بەرى قالادا 283 قاراۋسىز جانۋار ۇستالعان. ونىڭ ىشىندە زارارسىزداندىرۋدان, ۆاكتسيناتسيادان جانە يدەنتيفيكاتسيادان كەيىن 205 يت پەن مىسىق تابيعي مەكەندەۋ ورتاسىنا جىبەرىلدى. بۇرىن انىقتالعان تاعى 78 جانۋار قايتادان ۆاكتسيناتسيادان ءوتىپ, كوشەگە جىبەرىلگەن.
اكىمدىكتە اۋلاۋ گۋمانيتارلىق ادىستەرمەن جانە جانۋارلار جۇرەتىن ورىنداردىڭ مونيتورينگى, سونداي-اق تۇرعىنداردىڭ وتىنىشتەرى نەگىزىندە جۇرگىزىلىپ جاتقانىن اتاپ ءوتتى.
سونداي-اق, قالا بيلىگى ءۇي جانۋارلارىنىڭ يەلەرىنە ولاردى ۇستاۋ جانە سەرۋەندەۋ ەرەجەلەرىن ساقتاۋعا جانە كوشەدە باقىلاۋسىز قالۋىنا جول بەرمەۋگە شاقىردى.
سانيتارلىق-ەپيدەميولوگيالىق قىزمەتتىڭ مالىمەتى بويىنشا, ءساۋىر ايىندا قالادا بەس رەت يت قابۋ وقيعاسى تىركەلگەن. تۇرعىنداردىڭ وتىنىشتەرىنەن كەيىن ەكى جانۋار كارانتينگە الىنعان.
قاڭعىباس يتتەر جۇكتى ايەلگە شابۋىل جاسادى: انا مەن بالانىڭ جاعدايى قاتاڭ باقىلاۋدا
وسى ورايدا زارداپ شەككەن بالانىڭ اناسى اۋدان تۇرعىندارى ۇيلەر مەن ويىن الاڭدارى ماڭىندا قاباعان يتتەرىڭ ۇيىرلەرىنە ۇنەمى تاپ بولاتىنىن ايتتى.
باتىس قازاقستان وبلىسىنداعى بۇل وقيعا ەلىمىزدە قاراۋسىز قالعان جانۋارلار تۋرالى زاڭناماداعى وزگەرىستەردى تالقىلاۋ كەزىندە ورىن الدى.
دەپۋتات قاڭعىباس يتتەردەن قۇتىلۋدىڭ جولىن ۇسىندى
2026 جىلعى 19 مامىردا قازاقستان پرەزيدەنتى قاسىم-جومارت توقاەۆ «جانۋارلارعا جاۋاپكەرشىلىكپەن قاراۋ تۋرالى» زاڭعا تۇزەتۋلەرگە قول قويدى. وزگەرىستەرگە سايكەس, ەل وسۆۆ — «ۇستاۋ, زارارسىزداندىرۋ, ۆاكتسيناتسيالاۋ, قايتا جىبەرۋ» مودەلىنەن باس تارتىپ, جانۋارلاردى قايتارىمسىز اۋلاۋ جۇيەسىنە كوشەدى.
بۇعان دەيىن ورال اكىمدىگى نەگىزگى قىزمەت ءتۇرى ەتتى وڭدەۋ جانە كونسەرۆىلەيتىن «وركەن» جشس-مەن قاراۋسىز قالعان جانۋارلاردى اۋلاۋعا كەلىسىمشارت جاساسقان بولاتىن. شارتتىڭ قۇنى 9 ملن 396 مىڭ تەڭگەنى قۇرادى.
تەحنيكالىق ەرەكشەلىككە سايكەس مەردىگەر جانۋارلاردى اۋلاۋمەن, ولاردى ۋاقىتشا ۇستاۋ پۋنكتتەرىنە تاسىمالداۋمەن, سونداي-اق جويۋمەن اينالىسۋعا ءتيىس. جىل سوڭىنا دەيىن 2 مىڭعا جۋىق جانۋاردى اۋلاۋ جوسپارلانۋدا.
