بريفينگ بارىسىندا جۋرناليستەر ۆيتسە-مينيستردەن نارەستەسىن كوتەرىپ, ارقاسىنا جەتكىزۋ قىزمەتىنىڭ سومكەسىن اسىنىپ العان ايەلدىڭ فوتوسىنا قاتىستى كوزقاراسىن سۇرادى. كوپشىلىك بۇل ايەلدىڭ دەكرەتتىك دەمالىستا ءجۇرىپ, كۋرەر بولىپ جۇمىس ىستەۋگە ءماجبۇر بولعانىن تالقىلاعان.
الايدا ۆيكتوريا شەگاي اتالعان جاعدايعا ناقتى باعا بەرە المايتىنىن ايتتى. ول سۋرەتتىڭ قاي جەردە تۇسىرىلگەنى جانە ايەلدىڭ ناقتى جاعدايى بەلگىسىز بولعاندىقتان, ماسەلەنى جان-جاقتى بىلمەي تۇرىپ پىكىر ايتا المايتىنىن جەتكىزدى.
سونىمەن قاتار ۆيتسە-مينيستر دەكرەتتىك دەمالىستاعى انانىڭ جۇمىس ىستەۋى نەمەسە ىستەمەۋى كوبىنە وتباسىنىڭ قارجىلىق جاعدايى مەن ىشكى شەشىمىنە بايلانىستى ەكەنىن اتاپ ءوتتى.
الاياقتاردىڭ ايلاسى وزگەردى: ەندى اقشانى «كۋرەر» بولىپ الىپ كەتەدى
جۋرناليستەردىڭ مالىمەتىنشە, سۋرەت الماتى قالاسىندا تۇسىرىلگەن. وندا نارەستەسىن قۇشاعىنا الىپ, اپتاپ ىستىقتا تاپسىرىس تاسىپ جۇرگەن ايەلدىڭ بەينەسى كوپشىلىكتىڭ نازارىن اۋدارعان. جەلى قولدانۋشىلارى بىرنەشە كۇن بويى جاس انانى ىزدەپ, وعان كومەك كورسەتۋدى ۇسىنعان.
ايتا كەتەيىك, بۇعان دەيىن الەۋمەتتىك جەلىلەردە ءسابيىن ارباعا وتىرعىزىپ, كۋرەر بولىپ جۇمىس ىستەگەن الماتىلىق ايەلدىڭ ۆيدەوسى كەڭىنەن تاراعان ەدى. بۇل وقيعا دا قوعامدا قىزۋ تالقىلانىپ, كوپشىلىكتىڭ قولداۋىنا يە بولعان.
ەسكە سالايىق, بۇعان دەيىن الماتىدا سابيىمەن كۋرەر بولىپ جۇرگەن ايەلدىڭ اتىنان الاياقتار اقشا جيناعانىن جازعان بولاتىنبىز.
