ۆيدەودان الىنعان كادر
جۇمىسشىلاردىڭ ايتۋىنشا, باسشىلىق اۋىسقاننان كەيىن قاۋىپسىزدىك قىزمەتىنىڭ قىزمەتكەرلەرى جەكە شكافتارىن, ۇستەلدەرىن, جەكە زاتتارىن جانە ءتىپتى توڭازىتقىشتارىن دا تەكسەرە باستاعان. ال 9 ماۋسىم كۇنى زاۋىت اۋماعىنا پوليتسيا قىزمەتكەرلەرى مەن قىزمەتتىك يتتەردىڭ كەلۋى جۇمىسشىلاردىڭ الاڭداۋشىلىعىن كۇشەيتكەن.
ءوز كەزەگىندە «ندفز» جشس باسشىلىعى قىزمەتكەرلەردىڭ جينالىسى رۇقساتسىز وتكەنىن مالىمدەدى. كاسىپورىن وكىلدەرىنىڭ تۇسىندىرۋىنشە, پوليتسيا مەن كينولوگتاردىڭ قاتىسۋىمەن جۇرگىزىلگەن تەكسەرۋ ەسىرتكىنىڭ زاڭسىز اينالىمىنىڭ الدىن الۋعا باعىتتالعان پروفيلاكتيكالىق ءىس-شارا اياسىندا ۇيىمداستىرىلعان.
سونداي-اق زاۋىت اكىمشىلىگى ەڭبەك جاعدايلارىن جاقسارتۋ جانە جالاقىنى كەزەڭ-كەزەڭىمەن كوتەرۋ جۇمىستارى جۇرگىزىلىپ جاتقانىن اتاپ ءوتتى. باسشىلىق قىزمەتكەرلەردى بارلىق داۋلى ماسەلەلەردى زاڭ اياسىندا شەشۋگە شاقىردى.
جامبىل وبلىسىندا جىلىنا 800 مىڭ توننا كۇكىرت قىشقىلىن وندىرەتىن زاۋىت ىسكە قوسىلدى
وسىعان بايلانىستى «قازاقمىس» كورپوراتسياسى دا تۇسىنىكتەمە بەرىپ, جامبىل وبلىسىنداعى «ندفز» جشس-ءنىڭ «فوسفور زاۋىتى» فيليالى كومپانيا قۇرىلىمىنا كىرمەيتىنىن حابارلادى.
كومپانيا مالىمەتىنشە, «قازاقمىس» اتالعان كاسىپورىننىڭ قىزمەتىنە, باسقارۋ شەشىمدەرىنە, كادرلىق ساياساتقا جانە زاۋىتتاعى وقيعالارعا ەشقانداي قاتىسى جوق. سونداي-اق كاسىپورىننىڭ «قازاقمىس» توبىنا قاتىسى بار دەگەن اقپارات شىندىققا سايكەس كەلمەيتىنى اتاپ ءوتىلدى.
