فوتو: «جولاۋشىلار تاسىمالى» اق
«جولاۋشىلار تاسىمالى» اق ءباسپاسوز قىزمەتىنىڭ مالىمدەۋىنشە, «Stadler» كومپانياسى ءوز مالىمدەمەسىندە 2025 جىلدىڭ جەلتوقسانىندا جۇرگىزىلگەن سىناقتار بارىسىندا بىرقاتار سايكەسسىزدىكتەر انىقتالعانىن مالىمدەگەن. ۇلتتىق تاسىمالداۋشى اتالعان اقپاراتتى راستاپ وتىر.
ەلىمىزدە پويىز جولاۋشىلارىنا قانداي تالاپتار قويىلماق؟
«ۇلتتىق تاسىمالداۋشىنىڭ ۇستانىمى وزگەرمەيدى: قاۋىپسىزدىك, سەنىمدىلىك جانە ساپا تالاپتارىنا تولىق سايكەس كەلەتىنى راستالمايىنشا, بىردە-ءبىر جولاۋشىلار ۆاگونى قابىلدانىپ, پايدالانۋعا بەرىلمەيدى. جەتكىزۋ مەرزىمى, كوممەرتسيالىق مىندەتتەمەلەر نەمەسە وزگە دە فاكتورلار بۇل قاعيداتقا اسەر ەتپەيدى. باستى ورىندا ءاردايىم جولاۋشىلاردىڭ قاۋىپسىزدىگى تۇرادى.
قازىرگى ۋاقىتتا ۇلتتىق تاسىمالداۋشى انىقتالعان ەسكەرتۋلەردى جويۋ جانە بارلىق قاجەتتى راسىمدەردى اياقتاۋ ماقساتىندا ۆاگون وندىرۋشىسىمەن جۇمىستى جالعاستىرىپ جاتىر. جاڭا ۆاگونداردىڭ جولاۋشىلار پاركىن مۇمكىندىگىنشە تەزىرەك تولىقتىرعانىنا مۇددەلىمىز. الايدا بۇل بارلىق تالاپتار تولىق ورىندالىپ, بەلگىلەنگەن سىناقتار ءساتتى اياقتالعاننان كەيىن عانا مۇمكىن بولادى», دەلىنگەن حابارلامادا.
قاجەتتى تەحنيكالىق جەتىلدىرۋلەر اياقتالىپ, ۆاگونداردىڭ بەلگىلەنگەن ستاندارتتارعا سايكەستىگى تولىق راستالعان سوڭ, جولاۋشىلارعا قاۋىپسىزدىگى جوعارى, جايلى ءارى سەنىمدى زاماناۋي ۆاگوندار قولجەتىمدى بولادى.
ايتا كەتەيىك, اقتوبە – ماڭعىستاۋ باعىتىنداعى پويىزدىڭ ۆاگوندارى جاڭاردى.
