الدىن الا مالىمەتتەر بويىنشا, جەرگىلىكتى جەردە «جىلۋمەن جابدىقتاۋ كاسىپورنى» اق-نىڭ 11 قىزمەتكەرى جۇمىس ىستەگەن. شۇڭقىردان كوتەرىلۋ كەزىندە 43 جاستاعى سلەسار شۇڭقىرعا ءتۇسىپ كەتتى. وعان كومەك كورسەتۋگە تىرىسقاندا, تاعى ءبىر جۇمىسشى قۇلادى.
45 قالادا كارىز جۇيەسىن سالۋ جانە جاڭارتۋ جۇمىستارى جۇرگىزىلەدى
ارىپتەستەرى زارداپ شەككەندەردى ارقانمەن تارتىپ الدى. الايدا ەر ادامداردىڭ ءبىرى سول جەردە قايتىس بولدى. ەكىنشىسى كارىز كوللەكتورىنىڭ جەدەل ينگالياتسيالىق گازبەن ۋلانۋ دياگنوزىمەن اۋرۋحاناعا جەتكىزىلدى. ونىڭ جاعدايى ورتاشا اۋىرلىق دارەجەسى رەتىندە باعالاندى.
قازا تاپقان ازامات اتالعان ۇيىمدا 18 جىل جۇمىس ىستەگەن.
ەستەرىڭزىگە سالايىق, وتكەن جىلدىڭ قازان ايىندا قاراعاندى وبلىسىندا كوممۋنالدىق جۇمىستار كەزىندە ەكى قايعىلى وقيعا ورىن العان ەدى. جەزقازعاندا قىزمەتكەر توپىراق ءۇيىندىسىنىڭ استىندا قالىپ قويسا, ەكىنشى وقيعا قاراعاندىدا كارىز قۇبىرلارىن اۋىستىرۋ كەزىندە ەكى جۇمىسشى كوز جۇمعان بولاتىن.
