فوتو: axios.com
ۇكىمەتتەگى بريفينگ بارىسىندا ۆيتسە-پرەمەر الماتى اۋەجايىنا كەلەتىن جولاۋشىلار ءۇشىن اەروتاكسي قىزمەتى ءتيىمدى بالاما بولۋى مۇمكىن ەكەنىن ايتتى.
«قازىر الماتىدا كەپتەلىس سالدارىنان جولعا 1,5-2 ساعات كەتەدى. اۋەجاي ماڭىندا اەروتاكسي الاڭىن ورنالاستىرۋ جوسپارى بار. جولاۋشى قىزمەتكە الدىن الا تاپسىرىس بەرەدى. قازىرگى ەسەپ بويىنشا ءبىر ادام ءۇشىن 1 شاقىرىم جول اقىسى شامامەن 1 دوللار بولادى», دەدى قانات بوزىمباەۆ.
الدىن الا ەسەپكە سايكەس, 15 شاقىرىم قاشىقتىققا ۇشۋ قۇنى شامامەن 15 دوللاردى, ياعني 7 مىڭ تەڭگەدەن استام سومانى قۇراۋى مۇمكىن.
سونىمەن قاتار ۆيتسە-پرەمەر تاسىمالداۋشىلار اراسىندا باسەكە قالىپتاسسا, قىزمەت باعاسى تومەندەۋى ىقتيمال ەكەنىن اتاپ ءوتتى.
ەسكە سالايىق, بۇعان دەيىن 19 مامىردا الماتى وبلىسىنىڭ الاتاۋ قالاسىندا العاش رەت eVTOL اۋە تاكسيى ۇشىرىلعانى تۋرالى حابارلاعانبىز.
