سەناتور عالياسقار سارىباەۆ پرەمەر-ءمينيستردىڭ اتىنا جولداعان دەپۋتاتتىق ساۋالىندا قالا مەن اۋىلداعى ينتەرنەتكە قولجەتىمدىلىك تەپە-تەڭدىگىنىڭ بۇزىلۋىنا توقتالدى.
«داتا ورتالىقتارى مەن سەرۆەرلەر حالىقارالىق ستاندارتقا مۇلدەم ساي ەمەس. ءبىلىم جانە عىلىم, دەنساۋلىق ساقتاۋ, الەۋمەتتىك قىزمەت, ەكونوميكا سالالارىنداعى LMS, ERP ينتەگراتسيالانعان قاشىقتىقتان وقىتۋ پلاتفورمالارى تولىق جۇمىس ىستەمەيدى», دەدى سەناتور.
سارىباەۆتىڭ ايتۋىنشا, ەلىمىزدە 100 ادامنىڭ 15-ءى تۇراقتى ينتەرنەتكە قوسىلسا, اۋىلدىق جەرلەردە 100 ادامنىڭ 8-ءى عانا ينتەرنەتپەن قامتاماسىز ەتىلگەن.
«قولدانىستاعى زاڭناماعا ينتەرنەت ساپاسىنا قويىلاتىن تالاپتاردى قاتايتۋ جانە رەتتەۋشى تاراپىنان ايىپپۇل كولەمىن ارتتىرۋ بويىنشا ۇسىنىستار ەنگىزۋىڭىزدى سۇرايمىز. ءبىز ءىرى تسيفرلىق حابتاردى سالۋدى, سونداي-اق جوعارى دەڭگەيدەگى ءىت مامانداردى وقىتۋدى ۇسىنامىز», دەپ تۇيىندەدى ءسوزىن سەناتور.
بۇعان دەيىن قازاقستاندا ساپاسىز وپەراتورلارعا سالىناتىن ايىپپۇل 10 ەسەگە وسكەن ەدى.
