اتاپ ايتساق, اقپارات جانە قوعامدىق دامۋ ءمينيسترى دارحان قىدىرالى «Egemen Qazaqstan», «كازاحستانسكايا پراۆدا», «Astana aqshamy», «ۆەچەرنيايا استانا», «قازاق ادەبيەتى», «انا ءتىلى», «تۇركىستان», «ۇلان», «بالدىرعان». «درۋجنىە رەبياتا» گازەت-جۋرنالدارىنا جازىلدى.
«ەل پرەزيدەنتى قاسىم-جومارت توقاەۆ وسى جىلدى بالالار جىلى دەپ جاريالاعانى بەلگىلى. وسكەلەڭ ۇرپاقتىڭ بولاشاعىنا باسا ءمان بەرۋ – مەملەكەتتىك يدەولوگيانىڭ باسىم باعىتتارىنىڭ ءبىرى. وسى رەتتە بالالارعا ارنالعان باسىلىمداردى قولداۋ نەگىزدى دەپ بىلەمىز», دەدى دارحان قىدىرالى.
سونداي-اق مينيستر مەملەكەت باسشىسى جاڭا پرەزيدەنتتىك مەرزىمدەگى ءبىرىنشى جارلىعىن اۋىلداردى دامىتۋ ماسەلەسىنە ارناعانىن, اۋىلداردىڭ باسپاسوزبەن قامتىلۋى, ولارعا باسىلىمداردىڭ ۋاقتىلى جەتۋى اسا ماڭىزدى ەكەنىن, وسى باعىتتاعى بۇگىنگى جاسالىپ جاتقان ناقتى ىستەر ءوز ناتيجەسىن بەرەدى دەپ ويلايتىنىن اتاپ ءوتتى.
ايتا كەتەيىك, اقپارات جانە قوعامدىق دامۋ مينيسترلىگى مەن «قازپوشتا» اق اقپارات سالاسىن دامىتۋ بويىنشا ىنتىماقتاستىق تۋرالى مەموراندۋمعا قول قويعان. ونىڭ اياسىندا رەسپۋبليكالىق جانە وڭىرلىك باسپا باسىلىمدارىن ۋاقتىلى جەتكىزۋدى جۇزەگە اسىرۋ جونىندە كەلىسىم دە بار. سونىمەن بىرگە مينيستر مەرزىمدى باسىلىمدارعا ونلاين جازىلۋ ءۇشىن مينيسترلىك تاراپىنان قولداۋ جۇمىستارى جاسالىپ جاتقانىن جەتكىزدى.
وقۋ-اعارتۋ ءمينيسترى اسحات ايماعامبەتوۆ تە الداعى جىلعا بالالار باسىلىمدارىنا جازىلعان. ۆەدومستۆو باسشىسى مۇعالىمدەرگە ءماجبۇرلى تۇردە گازەت-جۋرنالعا جازىلۋ جۇرگىزىلمەيتىنىن ايتتى.
«پەداگوگ مارتەبەسى تۋرالى» زاڭ قابىلدانعالى بەرى مۇعالىمدەردى گازەتكە جازىلۋعا مىندەتتەپ, ماجبۇرلەمەيدى. قازىر بۇل ءۇشىن اكىمشىلىك جاۋاپكەرشىلىك بار. ءبىز مۇنداي فاكتىلەردى بولدىرمايمىز. الايدا مەكتەپتەردىڭ وزدەرى بولىنگەن بيۋدجەت ەسەبىنەن بالالاردىڭ قىزىعۋشىلىقتارىن ەسكەرە وتىرىپ, «وقۋعا قۇشتار مەكتەپ» جوباسى اياسىندا مەكتەپ كىتاپحانالارى ءۇشىن بالالارعا ارنالعان «اقجەلكەن», «درۋجنىە رەبياتا», «National Geographic» ت.ب. گازەت-جۋرنالدارعا جازىلا الادى», دەدى مينيستر.
ءىس-شارا بارىسىندا «قازپوشتا» اق باسقارما توراعاسى اسەل جاناسوۆا ءباسپاسوز باسىلىمدارىنا جازىلۋ ناۋقانىنا بايلانىستى جۇمىستارىمەن تانىستىردى. سونداي-اق الداعى ۋاقىتتا post.kz قوسىمشاسى ارقىلى كەز كەلگەن باسىلىمعا ونلاين جازىلۋعا مۇمكىندىك بولاتىنىن ايتتى.
«ونلاين-جازىلىم – بۇل وقىرمان مەن مەرزىمدى باسىلىمداردىڭ اراسىن جاقىنداتۋ ماقساتىندا جاسالىپ جاتقان جوبا. ءارى بۇگىنگىدەي جاڭا تەحنولوگيانىڭ زامانىندا حالىقتىڭ ۋاقىتىن ۇنەمدەۋ ءۇشىن, ءبىر تەتىك ارقىلى كەز كەلگەن گازەتكە جازىلا الۋى ءۇشىن, ونىڭ اقىسىن وڭاي تولەي الۋى ءۇشىن كەرەك. بۇدان بولەك رەسپۋبليكانىڭ تۇكپىر-تۇكپىرىندەگى اۋىلدارداعى وقىرمانعا باسىلىمىن ۋاقىتىندا جەتكىزۋ جۇمىستارىن جەتىلدىرۋدى دە قاراستىرىپ جاتىرمىز. ماسەلەن, ءدال وسى گازەت-جۋرنال تاسيتىن پوشتاشىلاردىڭ مارتەبەسىن ارتتىرۋ, جۇمىسقا ىنتالاندىرۋ ماقساتىندا ارنايى بونۋس بەرىلەتىن باستامانى قولعا الماقپىز», دەدى اسەل جاناسوۆا.
سونداي-اق ول 3 قاراشادا باستالعان باسپاسوزگە جازىلۋ ناۋقانى 25 جەلتوقسانعا دەيىن جالعاساتىنىن, قازىردىڭ وزىندە 11 ميلليون جازىلىم بار ەكەنىن اتاپ ءوتتى.
«جازىلىم ناۋقانى بەلگىلى ءبىر ۋاقىتپەن عانا شەكتەلمەۋى كەرەك. وقىرمان جىل بويى كەز كەلگەن ۋاقىتتا جازىلا الاتىنداي مۇمكىندىك جاسالسا دەيمىن. ياعني گازەت-جۋرنالدارعا جازىلۋ كەرەك ەكەنى حالىقتىڭ جادىندا ساقتالۋى ءۇشىن ونى قولجەتىمدى ەتۋىمىز قاجەت. ماسەلەن, kaspi.kz, post.kz قوسىمشالارىندا, kundelik.kz سىندى وقۋشىلاردىڭ كەڭىستىگىندە دە كورسەتىلىپ تۇرسا, ۋاقىت وتە كەلە سانادا جاتتالا باستايدى. ناتيجەسىندە, قوعامدا وقۋ مادەنيەتى قالىپتاسادى. حالىق كۇندەلىكتى گازەت-جۋرنال وقۋعا ۇيرەنەدى», دەيدى «قازپوشتا» اق باسقارما توراعاسى.
اتالعان «قازپوشتا» مەكەمەسىنىڭ كىرەبەرىسىندە كوپتەگەن رەسپۋبليكالىق مەرزىمدى باسىلىم ساتىلاتىن ارنايى بۇرىش بار. مۇنداعى ساتۋشى جۇپار قاسەنوۆا حالىق نەگىزىنەن «Egemen Qazaqstan», «ۆەچەرنيايا استانا», «ايقىن, «انا ءتىلى», «تۇركىستان», «DAT» گازەتتەرىن كوپ وقيتىنىن ايتادى. ماسەلەن, كۇندە تاڭەرتەڭ پوشتانىڭ ەسىگى اشىلماستان كەلىپ ۇلگەرەتىن ««Egemen Qazaqstan» گازەتى 105 تەڭگەدەن ساتىلادى. ساتۋشىنىڭ ايتۋىنشا, باسىلىم كەيدە تۇسكە دەيىن تۇگەلدەي ساتىلىپ كەتەدى.
