پارلامەنت • 01 جەلتوقسان، 2022

قازىر اسكەرگە دەنساۋلىعى جوق بوزبالالار دا كەتىپ جاتىر - سەناتور

96 رەت كورسەتىلدى

سەناتور دانا نۇرجىگىت ەلىمىزدىڭ پرەمەر-مينيسترىنە جولداعان دەپۋتاتتىق ساۋالىندا ۇكىمەتتى اسكەري قىزمەتشىلەردىڭ ءومىرى مەن دەنساۋلىعىن ساقتاۋ جونىندەگى جۇمىستى كۇشەيتۋگە شاقىردى، دەپ حابارلايدى Egemen.kz پارلامەنت سەناتىنىڭ ءباسپاسوز قىزمەتىنە سىلتەمە جاساپ.

دەپۋتاتتىڭ ايتۋىنشا، سوڭعى ەكى جىلدا 237 اسكەري قىزمەتشى قازا بولدى. ونىڭ 89-ى اۋرۋدان، 62-ءسى جول اپاتىنان، 50-ءى سۋيتسيد سالدارىنان كوز جۇمدى.

سەناتور جاعدايدى جاقسارتۋ ءۇشىن اسكەرگە شاقىرىلۋشىلاردىڭ عانا ەمەس، جاسوسپىرىمدەردىڭ دە پسيحولوگيالىق جاعدايىن باقىلاۋ ماڭىزدى ەكەنىن اتاپ ءوتتى.

ء«بىز 13-14 جاستاعى  ەر بالالاردىڭ دەنساۋلىعى، ءتان ساۋلىعى، پسيحيكاسى، پسيحولوگياسى ۇنەمى باقىلاۋدا بولۋى كەرەك دەپ ەسەپتەيمىز. اسكەرگە شاقىرۋ كوميسسياسىنىڭ الدىنا كەلگەنشە ول بالانىڭ بۇكىل پسيحو-فيزيكالىق پورترەتى، بارلىق اقپارات ارنايى ەلەكتروندى كىتاپشادا  جينالىپ تۇرعانى دۇرىس. قازىرگە كەزدە مىندەتتەلگەن كۆوتانى تولتىرۋ ءۇشىن اسكەر قاتارىنا دەنساۋلىعى جوق بوزبالالار دا كەتىپ جاتىر»، دەدى دانا نۇرجىگىت.

سەناتور اسكەري قىزمەتشىلەردىڭ قوعامداعى مارتەبەسىن كوتەرۋدىڭ ماڭىزدىلىعى جانە ولاردىڭ ءال-اۋقاتىن جاقسارتۋ تۋرالى دا ايتتى. ونىڭ ايتۋىنشا، مۇندا ءوز شەشىمىن تالاپ ەتەتىن كوپتەگەن ماسەلە قوردالانىپ قالعان.

«قارۋلى كۇشتەر  قاتارىنداعى كەلىسىم-شارت بويىنشا قىزمەتكە كەلگەن  ءبىرىنشى جىلداعى سولداتتىڭ جالاقىسى 82 مىڭ تەڭگە. قازاقستان دارىگەرلەرىنىڭ  جالاقىسى كوتەرىلگەندە، ەلىمىزدىڭ اسكەري دارىگەرلەرى بۇل ۇلەستەن قالىس قالىپ، بۇگىندە ولاردىڭ جالاقىسى 200 مىڭ تەڭگەنى قۇرايدى. 2021 جىلدان بەرى «اسكەري باسپانا» باعدارلاماسى اياسىندا «وتباسى بانك» العاشقى جارنانى 5%-دان  20%-عا دەيىن وسىرگەن. ال، اسكەري  جالاقى 100 مىڭعا دا جەتپەيتىن جاس اسكەري مامان باسپانانىڭ العاشقى 20 پايىزىن قالاي تولەمەك؟ وسىدان كەيىن بارىپ، اسكەري ادامنىڭ قوعامداعى  مارتەبەسى تۋرالى  قانداي ءسوز قوزعاۋعا بولادى؟!»، دەدى دەپۋتات. 

دانا نۇرجىگىت اسكەرگە شاقىرىلاتىن جانە اسكەرگە شاقىرىلعانداردىڭ دەنساۋلىعىن ساقتاۋ جانە قاداعالاۋ، ولاردىڭ دەنساۋلىعىنىڭ ەلەكتروندىق تىركەلىمىن جاساۋ جانە اسكەري قىزمەتشىلەردىڭ ءال-اۋقاتىن جاقسارتۋعا بايلانىستى ۆەدومستۆوارالىق ىنتىماقتاستىقتى نىعايتۋدى كوزدەيتىن بىرقاتار ۇسىنىس ايتتى.

سوڭعى جاڭالىقتار

اۆتوجول قۇرىلىسىنىڭ قارقىنى

ايماقتار • بۇگىن، 08:46

ينۆەستيتسيالىق تابىس

ەكونوميكا • بۇگىن، 08:44

جەلىگە «جەلىمدەلگەندەر»

ەكونوميكا • بۇگىن، 08:35

قوردىڭ قوماقتى قولداۋى

ەكونوميكا • كەشە

وتەماقىعا ءوتىنىش بەر

ەكونوميكا • كەشە

وتباسىندا – 36 بالا

قوعام • كەشە

سۋ باسۋدىڭ قاۋىپ-قاتەرى

ايماقتار • كەشە

تۇماۋدان ساق بولىڭىز!

مەديتسينا • كەشە

كۇرە جولداعى اپات

ايماقتار • كەشە

سەنى وسىلاي سۇيەمىن

ادەبيەت • كەشە

اعاش ادام

ادەبيەت • كەشە

اسىلدىڭ سىنىعى

ايماقتار • كەشە

ۇقساس جاڭالىقتار