اتالعان ەل رەسەي وبلىستارىنىڭ بارلىق اسكەري كوميسسارلارىنا سانكتسيا سالدى. سونىمەن قاتار رەسەي فەدەراتسياسى پرەمەر-ءمينيسترىنىڭ ورىنباسارى مەن يندۋستريا جانە ساۋدا مينيسترلىگىنىڭ باسشىسى دەنيس مانتۋروۆقا, سونداي-اق فەدەرالدىق قىلمىستىق اتقارۋ قىزمەتىنىڭ ديرەكتورى اركادي گوستەۆكە قاتىستى شەكتەۋلەر ەنگىزىلدى.
مۇنداي سانكتسيالاردىڭ رەسەي ورتالىق سايلاۋ كوميسسياسىنىڭ باسشىسى ەللا پامفيلوۆا مەن بىرقاتار وبلىس گۋبەرناتورىنا دا قاتىسى بار. ولاردىڭ قاتارىندا روستوۆ وبلىسىنىڭ باسشىسى ۆاسيلي گولۋبەۆ, ومبى وبلىسىنىڭ باسشىسى الەكساندر بۋركوۆ, مۋرمانسك وبلىسىنىڭ گۋبەرناتورى اندرەي چيبيس جانە بەلگورود وبلىسىنىڭ گۋبەرناتورى ۆياچەسلاۆ گلادكوۆ بار.
وسىنداي سانكتسيالارعا داعىستان باسشىسى سەرگەي مەليكوۆ, ماگادان وبلىسىنىڭ گۋبەرناتورى, سەرگەي نوسوۆ, ارحانگەلسك وبلىسىنىڭ باسشىسى الەكساندر تسىبۋلسكي, قالماقستان باسشىسى باتۋ حاسيكوۆ جانە كراسنودار ايماعىنىڭ باسشىسى ۆەنيامين كوندراتەۆ تە ىلىككەن.
