مەديتسينا • 28 قاراشا، 2022

كوكجارداعى ءمودۋلدى مەدپۋنكت

48 رەت كورسەتىلدى

شالعاي اۋىلدا تۇراتىن حالىق­تىڭ ءبىر تىلەگى – مەديتسينا قىزمە­تىنىڭ ساپاسىن ارتتىرۋ ماسە­لەسى. جەتىسۋدا الىس ەلدى مەكەندەر جە­­تەر­ل­ىك. سونىڭ ءبىرى – الاكول اۋ­دا­­نىنا قاراستى كوكجار اۋى­لى. وسى كۇنگە دەيىن اۋدان ورتا­لى­­عىنا سابىلعان جۇرت­تىڭ تىلە­گى ورىندالدى. ەندى تۇرعىن­دار اۋىل­داعى جاڭا ءمو­دۋلدى مەد­پۋنكت­­تەن العاشقى كومەكتى الا الادى.

سۋرەتتى تۇسىرگەن جۇماباي مۇسابەكوۆ

بۇل – وبلىستا بيىل ىسكە قوسىلعان جەتىنشى مەدپۋنكت. جالپى، وڭىردە جىل سوڭىنا دەيىن 12 بلوك-ءمودۋلدى مەديتسينالىق كەشەن ىسكە قوسىلادى دەپ جوسپارلانۋدا. اۋىل تۇرعىندارىنىڭ قۋانىشىنا ورتاق­تاسقان اۋدان اكىمى الماس ءابدينوۆ، جىلاندى اۋىلىنىڭ ارداگەرلەر كەڭە­سىنىڭ مۇشەسى مۇراتحان مەرەەۆ، ەڭبەك ارداگەرى ءىلياس قاسىموۆ كوپشى­لىككە ىزگى تىلەكتەرىن ءبىلدىردى. عي­ما­رات­­تىڭ لەنتاسى قيىلعان سوڭ كەلۋ­شىلەر مەكەمەنىڭ ءىشىن ارالاپ كوردى. بۇل مەديتسينالىق پۋنكت كوكجار اۋىلىنىڭ 160 تۇرعىنىنا قىزمەت كورسەتەدى.

جەتىسۋ وبلىسى اكىمدىگىنىڭ مالىمە­تىنە سۇيەنسەك، جوبانىڭ جالپى قۇنى – 39 ملن تەڭگە. عيماراتتىڭ اۋماعى – 108 شارشى مەتر. 12 تۇرعىنجايى بار. اتاپ ايتساق، ۆەستيبيۋل، ءدالىز، ءدارىحاناسى بار تىركەۋ ورنى، اكۋ­شەر­لىك قابىلداۋ بولمەسى، ەگۋ بولمەسى، پرو­تسە­دۋرالىق كابينەت، ماتەريالدار الۋ مەن زەرتتەۋ بولمەسى، ورتا مەدي­تسي­نا­لىق قىزمەتكەرلەر بولمەسى، 2 دا­رەت­حانا بولمەسى، سول سياقتى باس­قا دا تۇرمىستىق-شارۋاشىلىق قاجەت­تىلىكتەگى تۇرعىنجايلار ورنالاس­قان. ىس­­تىق سۋ، جىلۋ جۇيەسى جۇرگىزىل­گەن، جەل­­دەت­كىش ورناتىلعان. قۇرىلىس-مون­تاج­­داۋ جۇمىستارىن «Qaz Damu Construction» جشس مەردىگەر ۇيىمى اتقارعان.

جالپى، جىل سوڭىنا دەيىن وڭىردە تاعى 5 بلوك-ءمودۋلدى كەشەندى ىسكە قوسۋ جوسپارلانعان. اقسۋ، الاكول، ەسكەلدى، كوكسۋ، قاراتال جانە كەربۇلاق اۋداندارىندا جالپى قۇنى 900 ملن تەڭگە بولاتىن مەديتسينالىق بلوكتارمەن تولىعادى.

مامانداردىڭ ايتۋىنشا، بلوك-ءمودۋلدى كەشەندەر بەرىك، قاراپايىم ورناتىلاتىن، ۇزاق قىزمەت ەتەتىن قۇرىلىس ءتۇرى. سونىمەن بىرگە قولاي­سىز اۋا رايىنا توتەپ بەرە الادى. ولاردىڭ قىزمەت ەتۋ مەرزىمى 30 جىل دەپ مەجەلەنەدى.

 

جەتىسۋ وبلىسى

سوڭعى جاڭالىقتار

استانادا «ۆaitursynuly.kz» سايتىنىڭ تۇساۋكەسەرى ءوتتى

احمەت بايتۇرسىن ۇلى • 03 اقپان، 2023

ۇقساس جاڭالىقتار