سينوپتيكتەردىڭ بولجاۋىنشا, استانا, الماتى جانە شىمكەنت قالالارىندا نايزاعاي ويناپ, جاڭبىر, بۇرشاق جاۋى ىقتيمال. سونداي-اق جەلدىڭ ەكپىنى 15-23 م/س-قا دەيىن جەتەدى.
بىرقاتار وڭىردە جوعارى جانە توتەنشە ءورت قاۋپى ساقتالادى. تجم قاۋىپسىزدىك شارالارىن ساقتاۋعا جانە اۋا رايى تۋرالى ەسكەرتۋلەردى قاداعالاپ وتىرۋعا شاقىرادى.
جاساندى جاڭبىر كليماتقا اسەر ەتە مە؟ «قازگيدرومەت» جاۋاپ بەردى
اتموسفەرالىق فرونتالدى بولىمدەردىڭ وتۋىمەن قازاقستان اۋماعىنىڭ باسىم بولىگىندە نايزاعاي ويناپ, جاڭبىر جانە بۇرشاق جاۋى مۇمكىن. ەلىمىزدىڭ وڭتۇستىگىندە, وڭتۇستىك شىعىسىندا قاتتى جاڭبىر جاۋادى, سولتۇستىك-باتىسىندا, وڭتۇستىگىندە, ورتالىعىندا داۋىل بولادى. رەسپۋبليكا بويىنشا جەلدىڭ كۇشەيۋى كۇتىلەدى, سولتۇستىك-باتىستا, سولتۇستىكتە تۇندە جانە تاڭەرتەڭ تۇمان بولادى.
كۇندىز اتىراۋ, ماعىستاۋ, اقمولا, پاۆلودار, قاراعاندى, شىعىس قازاقستان, الماتى, اباي, جەتىسۋ, ۇلىتاۋ وبلىستارىندا, باتىس قازاقستان, قوستاناي وبلىستارىنىڭ وڭتۇستىگىندە, اقتوبە وبلىسىنىڭ وڭتۇستىگىندە, شىعىسىندا, قىزىلوردا وبلىسىنىڭ سولتۇستىگىندە 35-42 گرادۋس قاتتى ىستىق بولجانعان.
