«جاڭا بانكنوتتىڭ اينالىمعا ەنگەنى» تۋرالى ۆيدەو الەۋمەتتىك جەلىلەردە تاراپ, قولدانۋشىلار تاراپىنان قىزىعۋشىلىق تۋدىرعان ەدى.
«جاڭا نومينالدى شىعارۋ ەل ەكونوميكاسىنىڭ وبەكتيۆتى قاجەتتىلىكتەرىمەن بايلانىستى بولۋى ءتيىس. قازىرگى ۋاقىتتا مۇنداي قاجەتتىلىك بايقالمايدى. سوندىقتان, جاڭا نومينال شىعارۋ جوسپارلانباعان», دەپ ءتۇسىندىردى ۇلتتىق بانكتىڭ ءباسپاسوز قىزمەتى.
ۇب قازىرگى ۋاقىتتا ەڭ جوعارى نومينال 20 000 تەڭگەلىك كۋپيۋرا ەكەنىن اتاپ ءوتتى.
«قازاقستان ۇلتتىق بانكى قازاقستان رەسپۋبليكاسىنداعى تاريحي وقيعالارعا, مەرەيتويلىق جانە اتاۋلى كۇندەرگە ارنالعان, تارالىمى شەكتەۋلى مەرەيتويلىق, ەستەلىك بانكنوتتار مەن ءتۇرلى نومينالداعى مونەتالاردى اينالىمعا شىعاراتىنىن اقپارات تارتىبىمەن حابارلايمىز. قازىرگى ۋاقىتتا مەرەيتويلىق, ەستەلىك بانكنوتتار مەن مونەتالاردىڭ ەڭ جوعارى نومينالى 20 000 تەڭگە» دەپ تولىقتىردى ۇلتتىق بانكتىڭ ءباسپاسوز قىزمەتى.
