«اتىراۋ ءموز» جشس-ءنىڭ وندىرىستىك باعدارلاماسى اي سايىن جاساقتالىپ كەلەدى. زاۋىتتا جۇرگىزىلىپ جاتقان جوسپارلى-الدىن الۋ جوندەۋ جۇمىستارىن ەسكەرە وتىرىپ جاساقتالعان وندىرىستىك باعدارلاماعا سايكەس, 1-8 قاراشا ارالىعىنداعى سمگ ءوندىرۋ كولەمى 427 توننانى قۇراعان. 9 قاراشاداعى كورسەتكىش بويىنشا 640 توننا سمگ ءوندىرىلىپ, جونەلتىلگەن. بۇل جوسپارلانعان كورسەتكىشتەن 212 تونناعا ارتىق.
«سمگ-نى ءوندىرۋ كولەمىن ارتتىرۋ جوندەۋ جۇمىستارى كەزىندە وبلىستا گاز دەفيتسيتىن بولدىرماۋ ءۇشىن جاسالعان. بۇعان قوسىمشا وبلىستى سمگ-مەن قامتاماسىز ەتۋ ءۇشىن 9 قاراشادان باستاپ «پحسنگ» جشس-دە قازان ايىنان بەرى زاۋىتتىڭ تەحنيكالىق قاجەتتىلىكتەرى ءۇشىن ساقتاۋلى تۇرعان 270 توننا سمگ جونەلتىلە باستادى. قازان-قاراشا ايىنا جوسپارلانعان سمگ ءوندىرۋ كولەمى جونىندە «اموز» جشس جوندەۋ جۇمىستارى باستالماس بۇرىن ەنەرگەتيكا مينيسترلىگى مەن اتىراۋ قالاسىنىڭ اكىمدىگىنە رەسمي تۇردە حابارلادى», دەپ جازىلعان حابارلامادا.
ايتا كەتەيىك, جوسپارلى-الدىن الۋ جوندەۋ جۇمىستارى اياقتالعاننان كەيىن ءاموز-دە سمگ ءوندىرۋ كولەمى تاۋلىگىنە 350-400 توننانى قۇرايدى دەپ كۇتىلۋدە.
